「蔥頭」丘梓謙遭疑似鏡粉追擊 爆勁收恐嚇訊息：我唔會因此改變
現年28歲的丘梓謙是無綫（TVB）推出的限定男團「Super Tiger」成員之一，亦在處境喜劇《愛．回家之開心速遞》中飾演「蔥頭」一角。丘梓謙前日（11日）在Instagram的限時動態上透露自己最近收到很多恐嚇及攻擊性訊息，因此會暫時接收陌生訊息。
丘梓謙接受《香港01》訪問時透露：「一直都有持續（收到呢啲）訊息，對於我嚟講都還可以，好多時都係講下冇實質行動，但係最近真係太多訊息去到滋擾性層面。尋日仲加我入佢哋嘅MIRROR Group，我退出咗又俾人加番入去，不斷重複發生，我入咗Group之後就係咁俾人鬧」、「之後佢哋會透過陌生訊息功能Send嘢俾我，仲要打視像電話。除咗我受到滋擾連我經理人都係，佢哋會同我經理人講『想搵丘梓謙拍AV，八萬蚊做唔做』」。
被問到是否受到MIRROR歌迷滋擾時，丘梓謙表示：「唔清楚係唔係MIRRROR Fans，但係IG入邊真係好多佢哋嘅相。」他隨後分享：「尋日佢哋係個MIRROR Group入面整咗條投票，問支持姜濤定係蔥頭，投票完之後，就會俾佢哋講話『你咁垃圾，冇Fans㗎喇，算吧啦』之類嘅說話」。
丘梓謙呼籲： 「我都明白每個Artist都會有人鍾意或者唔鍾意，你可以留言、鬧都冇所謂，但係唔好太過激進囉。最緊要係唔好煩到我身邊嘅人，因為件事唔關佢哋事，希望大家可以開心咁追星去，支持自己鍾意嘅偶像。」他又說：「同埋佢哋就算咁樣話我，我都唔會改變，會繼續Keep住我嘅方向發展演藝事業，所以我都會以『蔥頭』呢個Look係《愛．回家》同大家見面。」
昨日（14日）丘梓謙再向記者透露自己遭到網民誤會，原因近日不少報道流傳多張自稱鏡粉的網民與丘梓謙經理人的對話截圖，內容是網民想找丘梓謙拍成人向影片，不過其他網友表示，這個對話版面是由滋擾者的提供，因此網民認為丘梓謙有自編自導自演的嫌疑存在，而丘梓謙特此澄清並表示該圖片是滋擾者自己上載到社交平台。