東張西望｜醫院保安抗疫津貼一蚊都冇 醫院方懶理：咁樣公道咩？
撰文：林迅景
出版：更新：
政府近日推出「環保衛生及保安人員抗疫支援計劃」，為一班清潔和保安從業員提供每人每個月$2,000，合共一萬元的津貼，另外亦有給予每天$500抗疫津貼。《東張西望》今日（20/03）播出的一集指，收到醫院保安人員報料，指自己雖然在醫院急症室附近擔任保安人員，但卻因為合約問題而不符合申請資格。
有醫院保安指自己不合資格領取津貼。（《東張西望》截圖）
他指出，自己在醫院擔任保安人員，平日工作在醫院內，說：「而家就算係確診者同非確診者，我哋都要去幫手，接觸距離根本唔夠半呎，我只係着一件保安部制服，戴住手套，咁樣就喺急症室嗰啲崗位望住確診者同非確診者，咁樣公道咩？我除咗工作，仲要擔心感染屋企人，明唔明，咁先慘。」
原來係合約問題。（《東張西望》截圖）
$500都冇。（《東張西望》截圖）
做保安員工作，但因為職級不是保安員就申請不到津貼。（《東張西望》截圖）
他指出，原來他們醫院保安員的合約是屬於「3A級運作助理」，即是屬於人事部職員，職銜並不是「保安人員」。他說：「當初追究點解冇一萬蚊，（我）唔係保安而係人事部。原來佢都處理唔到，亦都唔敢答。我到而家一蚊都冇收過。我哋工作係分三班制，一班8個鐘，點解我哋做得咁辛苦，一齊抗疫，點解連最基本我哋應得嘅500蚊津貼都攞唔到？好難過，冇同理心。我哋嘅命唔係命？點解要咁樣差別對待？」
+7