360 秒人生課堂|Ben Sir因犯賤上TVB：有電視台叫我上去講解粗口

無綫逢全新綜藝節目《360 秒人生課堂》，由主持林盛斌（Bob）請來來自不同界別及各有經歷的 18 位嘉賓，以 360 秒的演講，娓娓道來他/她的人生故事，而國際級演說家李炫華老師，則會為節目擔任特設嘉賓。

原來整個節目構思均來自主持阿 Bob，Bob 透露上年年中曾志偉致電邀約他回公司開會，當時 Bob 有感社會氣氛較差，便提出想做一個充滿正能量及有激勵性的節目，這就是《360秒人生課堂》的第一步：「我話我想做一個演講類嘅節目，因為我都睇過好多世界各地類似嘅演說節目，每次睇完都覺得自己充滿力量。就算演講嗰位係素人，佢哋嘅人生經歷對我嚟講都係一個人生課堂，佢哋就係我嘅人生導師！」在志偉鼓勵及支持下，Bob 著力進行策劃及統籌工作，並逐一致電身邊好友邀請他們上節目分享人生經歷：「佢哋知道節目嘅目的同初心後，絕大部分都一口應承。令我最感動嘅，係好多我嘅朋友可能成世人都未試過演講，但佢哋都好畀心機練習同埋寫好份講稿。」

首集打頭陣嘉賓分別為「跳出 Comfort Zone」的歐陽偉豪（Ben Sir），以及「與自閉症兒子共同成長努力」的剛強媽媽黃溢妮（Stephenie）。向來予人感覺幽默的 Ben Sir，其 360 秒演辭既生鬼又吸引，對於當初由大學高級講師這個「舒適圈」跳入「娛樂圈」，Ben Sir 笑指自己是「超級犯賤」：「有人賤，有人犯賤，幾年前有電視台叫我上去講解粗口喎，賤咯！但我又上去喎，犯賤咯！」Ben Sir 透露出走舒適圈初期曾因欠缺自信一度想「縮沙」，並試過「瘋狂推 Job」，後來因發現「推極都唔完」才領悟自己有潛力；為了實踐「Bensirlization」，Ben Sir 走出舒適圈前，更大膽地先與老婆「約法三章」…至於 Stephenie 的人生故事則是截然不同的風格，既真摯亦相當感人，令現場所有觀眾及Bob 均哭紅了眼。Stephenie 育有兩名子女，當中今年八歲的兒子顥之患有自閉症；Stephenie坦言當初並未輕言放棄，更辭掉工作與顥之攜手克服難關，但顥之不但因學習能力問題遭醫生評估需入讀中度智障特殊學校，並曾於一次戶外活動期間突然當眾大便造成混亂；種種打擊、挫敗感及絕望，令 Stephenie 終告崩潰，這時候老公 Alan 的一番說話，令 Stephenie再見曙光，得以重新振作。