曾江逝世︱胡楓不相信好友突離世感驚訝︰有人咁講不過我唔信啊！

資深男演員曾江，今日（27日）被發現倒斃於尖沙咀一間指定檢疫酒店房間內，終年87歲，死因仍有待確認。消息指，今日中午12時14分，於尖沙咀彌敦道九龍酒店，職員發現一名男子昏臥房間內，報警求助。據悉，死者為著名藝人曾江，正入住上址指定檢疫酒店，警方正調查其死因。與曾江認識多年的胡楓（修哥）對好友離世消息感愕然。

修哥接受《香港01》電話訪問，記者問修哥有沒有收到有關消息時，他說︰「吓？有人係咁講，不過我唔信啊！」之後他就匆匆收線。另外，羅蘭姐亦表示已有記者問過她，她說︰「佢話曾江過咗身，唔知喺咩酒店，點解會咁㗎？」她多次表示「點解會咁呢？」又不斷嘆氣，她又說︰「（同佢）冇見好耐啦！冇聯絡好耐啦，而家啲疫情咁樣，點會聯絡啫，多數都喺屋企。」她又嘆氣說︰「唉，識咗幾廿年，聽到呢啲梗係唔開心。係咪真㗎？點解會咁樣無端端過身呢？點解唔係喺屋企咩？」另外，記者致電謝賢（四哥）時，他的電話就直飛留言信箱。