林作力撐女友靚過吳業坤日籍妻 裕美：衰仔又擺我上枱！
撰文：邱愛霖
出版：更新：
32歲藝人吳業坤（坤哥）前晚（7日）於Instagram突然宣布結婚。據悉，坤哥迎娶的日籍妻子名為濱口愛子 ( Aiko Hamaguchi ) ，出生於日本兵庫縣，現年27歲，身高164cm。長相清純甜美的愛子現為日本演員、亦有主持馬評節目，大學曾任職記者。有指坤哥與愛子於2019年邂逅，因他們與友人一起唱K而結緣。
坤哥與Aiko於2019年邂逅，兩人與友人一起去唱k。(網上圖片)
坤哥毫無預警宣布婚訊，震驚不少網民。擁有一位中日混血兒女友的林作不放過任何抽水機會，昨日（8日）留言公開挑機：「和田裕美靚啲」。隨後林作又出Post問網友意見，他認為揀樣最緊要：「做人唔好咁有深度，講樣最緊要。智慧與美貌從來不是並重，識揀，我代表全天下男人話你知，揀樣。」他又呼籲網友投票揀到底到底愛子還是裕美更靚，「請留言投下你神聖的一票。」惜不少網友都認為愛子比裕美更靚。而裕美似乎不知情，在男友帖文下激氣留言道：「你個衰仔，又擺我上枱！」
林作叫網友投票到底是裕美還是坤哥老婆愛子靚啲。（林作IG）
點擊睇坤嫂真身以及夫妻二人甜蜜照片：
+16