【主人我返嚟喇】鄧月平救被虐松鼠狗：佢頭頂有個窿未埋口！
撰文：何志衡
出版：更新：
Win Win今年8歲，不喜歡吃狗糧，反而喜歡吃雞翼。（黃寶瑩攝）
鄧月平(Larine)首部電影《小男人週記3之吾家有喜》票房不俗，又忙於拍攝新片《掃黃》，不過Larine幾忙都好，都要抽時間照顧她的主人，就是她的松鼠狗Win Win。她服侍這位主人已8年，當時Win Win在寵物店疑被虐打，頭頂有個痊癒的傷口，Larine於是拯救牠回家。
今日Larine與Win Win一起到公園玩，以為她們會玩得很開心，誰知Win Win十分搞笑，一直不理會Larine，自己跑去跟其他大狗玩，Larine聲嘶力竭地叫牠都當沒聽見，Larine夾硬將牠拉開牠又跑走，疲累的Larine不禁嘆氣：「人哋養貓就話貓奴啫！點解我養狗要做狗奴？」無法啦！Win Win至係你主人嘛！
幾經辛苦Larine才抱得到Win Win，原來Win Win並非她養的第一隻狗，她說：「我喺寵物店買過一隻金毛一隻雪撬，但冇耐就發現有狗瘟，好快就死咗！所以要養狗最好領養唔好幫襯寵物店，我都好後悔唔領養！」說買Win Win則是因為懷疑牠被寵物店虐打：「佢天靈蓋有個窿，係寵物店一邊梳毛一邊打佢，個窿到而家都未埋口，用手摸會摸到。」
鄧月平說入行後甚少帶Win Win出街，今次難得有機會一邊工作一邊陪狗狗散步。（黃寶瑩攝）
Larine又說買Win Win有另一個原因：「嗰時嗲哋成日獨留我在家中，我好悶想買隻狗，嗲哋鍾意賭馬，話自己生肖同狗唔夾，起初唔俾買，後來買咗我就幫佢改名叫Win Win，希望扭轉嗲哋運勢，哈哈！但係扭轉唔到。」雖然Win Win不太受控，但看得出Larine很愛錫牠，並表示有機會領養多隻狗陪Win Win，救多隻狗狗也是好事吖！
Win Win很活躍，不斷跑來跑去聊其他狗狗玩，反而懶理狗奴Larine。（黃寶瑩攝）
雖然Win WIn已經8歲，但非常細小，Larine用心口都托得住。（黃寶瑩攝）
Win WIn很搞笑完全不理會Larine，激到Larine扁嘴。（黃寶瑩攝）