日日媽媽聲｜阮兆祥遺憾破壞媽媽第二春　自責唔識諗好自私

由余安安、羅敏莊、陳凱琳擔任主持的《日日媽媽聲》第二輯，昨晚（17日）播出的第二集請來熊黛林（Lynn）、胡諾言及阮兆祥（祥仔）擔任嘉賓。祥仔表示由於17歲時父親因病離世，他自此與媽媽相依為命，所以兩母子感情非常要好。他認為自己是家中唯一男生，所以要孭起責任照顧家庭。祥仔又表示樂天的個性是遺傳自媽媽，任何困難都可以笑笑就過，而且對人真誠。

祥仔指媽媽一直以來很支持他的事業，每次有他參與的節目推出，媽媽都會收看，又笑言因為自己長得似爸爸，所以媽媽每次望住他，都有種看着情人的那種「心心眼」。然而他對媽媽卻有一件很遺憾的事，祥仔說：「爸爸去世之後幾年，媽媽其實都有人追，知道呢個消息之後，我覺得接受唔到，覺得爸爸媽媽應該先係一對，點可以咁？自己當年可能太細，所以唔係好識諗，當時反應都幾大，媽媽見到我唔開心，就毅然放棄段感情。長大之後就覺得自己好自私！」他坦言：「媽媽都需要多啲人錫，我遺憾有咁反應，應該反而鼓勵佢踏出呢一步。」