與細孖周志康破格影半裸寫真 周志文:多麼感激竟然有一雙我倆!

撰文:趙允琳
出版:更新:

「大細孖」周志文和周志康這對出了名的娛樂圈孖生兄弟,自13年前參加《超級巨聲》起至今,除了依然有不少人表示傻傻分不清之外,兩人多年來亦經常被人拿來作比較。不過,擁有一樣外形的大細孖就算發生什麼事情都依然愛着對方,日前兩人齊齊拍攝一輯靚相,齊齊脫去上衣用最赤裸的一面面對彼此:「天下無雙,多麼感激竟然有一雙我倆!」

周志文(右)和周志康(左)極罕有影半裸寫真。(Instagram:@danielchau928)

照片中的周志文從後攬實周志康,又用電量十足的眼神齊齊望實鏡頭,令網民大呼影得相當性感!周志康笑言今次影這輯相感覺最赤裸的並非面對自己的身軀, 而是要表達自己的情感,而周志文則認為是相當好的體驗。

周志文從後攬實周志康,sweet到爆!(Instagram:@danielchau928)

周志文憶述作為一對孖生兄弟,自小都經常被身邊人拿來比較:「我哋從來唔會同對方比較,反而會因為對方比自己好而更加開心。周媽媽成日講返以前,每當佢鬧我地其中一個嘅時候,我哋另外嗰個就會喊,搞到媽咪冇晒辦法,唔敢鬧我地,因為一喊就打孖上,雙聲道咁。咁多年之後諗返都覺得幾有趣,不過我同康仔真係冇夾過,只係見到對方俾鬧,就為對方心痛。」

兩人都覺得是個好難忘的拍攝經驗!(Instagram:@danielchau928)

周志文坦言由細到大媽媽都有教他們要讓對方,先讓對方的更會得到讚賞:「加上我哋同理心都好強,就算要對方難受自己都唔好過。慢慢我哋就培養咗呢種相處嘅藝術。 (因為唔讓就兩個都冇)每次去到陌生嘅地方我哋就成為對方嘅依靠, 對方就係自己嘅安全感。」

大細孖細細個已經感情好好。(Instagram:@adrianccm)

他又憶述兩人小學時在樓下公園被欺凌的經歷,幸得大孖在身旁才能鎮定下來:「記得有一次小學嘅時候係樓下公園,突然間有幾個高我地成個頭又染金毛嘅哥哥搭住我同阿文,話佢地嘅細佬被一對孖仔蝦,要捉我哋去點相。講真如果係得我自己一個人一定嚇到標s~但有文仔陪住,就驚都未驚過仲覺得有啲刺激。(最後發現同一個屋村有4對孖仔,個幾個哥哥應該要點好耐相)」

點擊觀看更多大細孖的照片:

+12
你可能感興趣