龍小菌拍戲真做撩鼻 令對手大噴鼻水:我成口都係

撰文:吳子生
出版:更新:

龍小菌(蔡紫晴)早前跟音樂總監李昊昕(Bryan)主持網上《床頭曲》有團火音樂直播節目,與網民大傾心事之外。近日龍小茵又有新搞作,在疫情之下苦衷作樂與導演鄧鍵延及友人合作拍粵語短片《撩鼻情緣》。小菌透露故事講述為生計而不停做檢測的吳理仁(波盛飾演) 邂逅檢測員李鳳(蔡紫晴飾演),更被她溫柔的撩鼻姿態所吸引,故決定借檢測機會示愛,就算受感染風險,亦誓要成功約會李鳳。

龍小菌和波盛合拍粵語短片《撩鼻情緣》。

龍小菌笑指:「若然有人為咗見我一面,而每日嚟做檢測,仲要指定搵我做,呢個真係疫情下嘅浪漫!」而男主角波盛透露真的有幻想過與檢測員發生一檢之情:「去食茶餐廳,伙記會認得你。如果檢測員真係認得又係你,姻緣就係咁誕生!好似日本嘅愛情動作片都係取材日常生活,當中有醫護病人元素,所撩鼻情緣都真係有機會真實發生!」

龍小菌在戲中演一名檢測員。

至於首次演繹檢測員角色,龍小菌對波盛的鼻涕最難忘;「因為我哋假戲真做,真係會撩鼻,可能我撩得太深,又可能太粗暴,搞到波盛忍唔住噴咗鼻水出嚟!而剛好我開口講對白,所以波盛啲鼻水係噴到我成口都係。」波盛就話:「咁我哋就可以拍下一套作品,隔離7日情。」

龍小菌和波盛合拍粵語短片《撩鼻情緣》。