大女鄭瑤陪出騷做埋服裝指導 鄭丹瑞 ：佢人工好貴！
撰文：吳子生
出版：更新：
鄭丹瑞（旦哥）和大女兒鄭瑤（Zaneta）今日（11/6）現身香港電台電視大廈錄影廠為健康資訊節目《醫家搞邊科》進行錄影。旦哥表示：「今日阿女嚟並唔係做節目嘅嘉賓，而係做咗我嘅服裝指導。點解會係咁呢？而係我一路以為自己對服裝好有研究，但每次佢見到我着嘅衫都好睇唔順眼，於是我就同佢講，咁你嚟搞掂，我瞇埋對眼唔理，你同我搞掂佢，就係咁佢就做咗我嘅服裝指導、形象顧問。」
鄭丹瑞（旦哥）和大女兒鄭瑤（Zaneta）今日（11/6）現身香港電台電視大廈錄影廠為健康資訊節目《醫家搞邊科》進行錄影。（梁碧玲攝）
本身任職時裝編輯的Zaneta表示：「其實平時見Daddy佢成日都係着同一款嘅衫，感覺好單調，而佢本身個身形好似模特兒咁靚，唔想浪費咗佢咁好嘅先決條件，於是我就下定決心做佢嘅服裝指導，幫佢大改造，令佢更加多姿多彩，形象更加鮮明。」被問到女兒有否工資？旦哥笑言：「佢人工好貴！咁梗係有俾，但我會幫佢儲起佢先囉。佢唔係義務幫我㗎。」而Zaneta笑稱：「其實我都唔知佢幫我儲幾多。」
同場有七仙羽、林芊妤（Coffee）和林德信。（梁碧玲攝）