林作批「港姐9成係豬扒」 馮盈盈語窒：我俾唔到咩評論
撰文：吳子生
出版：更新：
馮盈盈今日（10/6）現身九龍灣出席無綫全新健康資訊節目《健康100錯》宣傳造勢活動。馮盈盈表示：「原來節目當中有提及到原來女仕們普遍愛貪靚唔曬太陽，怕曬黑，原來咁樣做係會增加骨質疏鬆嘅風險，咁所以令我更加要注意呢方面。（公主病搞唔搞得掂？）好在我冇公主病啫，哈哈！（有冇檢查清楚？）放心，我本身都冇，你識我咁多年，你覺得呢？哈哈！」
被問到林作早前批「港姐9成係豬扒」，有如何看法？馮盈盈語窒：「我覺得……真係冇意見，我俾唔到咩評論。（今屆嘅港姐質數如何？）我都未親身見過佢哋，雖然有睇報道及睇直播見到佢哋個樣，但都未係真相嚟。咁所以未必有圖就有真相嘅，我係好期待可以同佢哋親身接觸。」
馮盈盈期待親身接觸今屆港姐候選佳麗。（陳順禎攝）