林德信唔敢向父親林子祥要求亮相《聲生不息》：費事煩到佢
撰文：吳子生
出版：更新：
林德信（Alex）今日（11/6）現身香港電台電視大廈錄影廠為節目《醫家搞邊科》進行錄影。Alex透露父親林子祥仍在內地拍攝音樂節目《聲生不息》，不知不覺已有大半年時間沒見過他一面：「聽佢講好似要繼續拍加長版，咁所以佢應該係拍到7月咁上下，計埋年頭佢喺內地拍另一個節目，我哋都有大半年時間冇見。（有否向父親提出亮相《聲生不息》節目？）咁我就冇咁直接同佢表態話想上去呢個節目度，因為我覺得唔係佢可以控制得到，可能要經過好多人批准先得，咁所以我都費事煩佢，諗佢都比較忙。」
林德信希望可以亮相音樂節目《聲生不息》。（梁碧玲攝）