囝囝受濕疹皮膚困擾飽受煎熬 林芊妤：成個人都癲晒
撰文：吳子生
出版：更新：
林芊妤（Coffee）今日（11/6）現身香港電台電視大廈錄影廠為節目《醫家搞邊科》進行錄影。Coffee透露曾經因囝囝受濕疹皮膚困擾，以致令她精神出現焦慮症，令她感到困擾：「當時自己好困擾，好多顧慮怕個仔要食藥，於是就冇帶佢去睇醫生，點知情況愈來愈嚴重，發到成個屁股同個背脊都係，見到佢每晚都好幸苦瞓唔到覺，成晚我都要幫佢按摩又要同佢搽油，點知愈搽愈衰病情惡化，加上睡眠自己不足，嗰陣我成個人都癲晒，精神係飽受煎熬。不過最終求醫，成功控制病情，我先冇咁大壓力。」
Coffee透露囝囝曾受濕疹皮膚困擾，令她精神飽受煎熬。（梁碧玲攝）