竉物Pet Pet｜古佩玲稱與周嘉洛演情侶只限戲中過電：演完就冇

古佩玲（Kelly)今日（14/6）現身將軍澳電視城出席無綫劇集《竉物Pet Pet》拜神儀式。Kelly透露在劇中飾演一名非常刁蠻任性的大小姐，並與周嘉洛有感情線，而且還會因愛成恨大報復：「其實呢個角色嘅性格同我本身性格係好唔同，係因為我本身嘅性格係好溫柔同平和啲嘅。當我睇到啲對白嘅時候就考起我，諗點樣令自己霸道啲呢，咁唯有催眠自己，同自己講我係好霸道，我係大小姐。（同周嘉洛演戲會否過電？）咁佢個人係好有魅力嘅，人又靚仔，同佢做戲只係喺劇中過電，因為要入戲嘛，我哋係專業嘅，演完就會冇。」