Bob林盛斌突惹「裸跑疑雲」　IG激動澄清：真係有啲似我嘅英姿嘅

Bob林盛斌向來喜歡整古做怪，常常在Instagram「玩很大」，又不惜出賣自己的肉體氹網民開心。近日，網上流傳一名男子在街上裸跑的照片，竟然因身形太相似而惹起「阿Bob裸跑疑雲」？

照片中的男子與阿Bob一樣身形頗為圓潤，令不少人誤以為相中人是他，令他他急急在Instagram發文澄清，但亦承認確實有幾分相似：「各位朋友其實真係唔需要再send俾我㗎嘞，淨係睇上半身我都覺得真係有啲似我嘅英姿嘅，不過我對腳幼好多同埋某部份粗好多囉唔該…..」

雖然他已經極力澄清，但依然惹來不少網民「質疑」，就連阿Bob的圈中好友楊潮凱、何雁詩等人都留言：「個天氣係熱咗啲，都唔使四周圍走吖」、「人少少，認左佢啦」、「Bob真係冇偶像包袱㗎喎」。