開心無敵獎門人|七線程浩駿升做獎老想以下犯上 曾志偉:你試吓

撰文:林迅景
出版:更新:

TVB遊戲節目《開心無敵獎門人》昨晚(03/7)舉行首集錄影,除了有「獎門人」曾志偉、「獎老」錢嘉樂、阮兆祥以及一班嘉賓之外,還多了三位新任「獎老」麥美恩、吳嘉儀和程浩駿。不說不知道,兩年前的程浩駿還在飾演「群眾演員」,直到《愛上我的衰神》才獲得一位算是有對白有名字角色。「獎老」程浩駿接受《香港01》訪問時說:「到你真係有機會企喺咁多位『獎門人』隔籬,真係唔敢相信,我何德何能呀?但係機會嚟到冇理由唔要。」

《開心無敵獎門人》有「獎門人」曾志偉、「獎老」錢嘉樂、阮兆祥以及一班嘉賓之外,還多了三位新任「獎老」麥美恩、吳嘉儀和程浩駿。(梁碧玲攝)

邊個係程浩駿?

講起「獎老」程浩駿,其實他在2017年讀完訓練班才正式加入5年,剛巧入行5年。程浩駿在這幾年的經歷大概與歷年數百藝員相同,從低做起,一開始都只能擔任「跑龍套」角色。他說:「通常訓練班出嚟必經階段都係做群眾演員,或者叫『反應堆』,即係前面係主角,我哋就喺後面淨係做反應。」直到去年《愛上我的衰神》其中一集擔任「忌廉賓」一角,才叫做正式地有自己的戲份。他說:「直至到今日終於可以做『獎門人』,呀唔係,係『獎老』,之前係字試過做綜藝節目,所以我係緊張又期待。要坐到『獎門人』呢位係冇可能㗎。」

「獎老」程浩駿做足5年side-cast,終於「上位」啦!(梁碧玲攝)

「獎門人」曾志偉提攜

程浩駿入行5年「升任」做「獎老」,實在是一件出人意料的事。他自言這5年之間曾經有想過放棄,質疑過自己是否適合「做呢行」,幸好終於得到機會。他說:「我唔知邊個叫我,亦都冇問,因為邊個叫我係唔重要嘅!我有得參與同埋做得好先係緊要。靠呢5年堅持,大大小小都要做好佢,所以得到獎門人賞識係開心嘅。」他也表示自己也打聽,聽聞「獎門人」曾志偉和導演對他印象也不差。

程浩駿坦言做到「獎老」都是多得獎門人曾志偉和導演賞識。(梁碧玲攝)

曾志偉點醒程浩駿

他自言,其實對「獎老」這個崗位很陌生和疑惑,感覺無所適從,說:「細個睇就睇得多,見錢嘉樂,林曉峰係度玩,但係『獎老』係一個主持定要一齊玩?」最後他終於鼓起勇氣向曾志偉請教,更得到他指點,說:「唔使驚,我哋會帶住你,總之你當party,你當自己嚟玩就得。」

由陳俊堅、鄭雋熹、程浩駿、林浩文及姚宏遠五位七線藝人擔大旗的節目《七線人棄王》,成功掀起話題。(影片截圖)

「獎老」程浩駿爆自己係被虐狂

問到《開心無敵獎門人》誰是「上下靶」,他直言自己喜愛被「糟質」,熱愛做「下靶」,說:「隔籬咁多師兄師姐,我何德何能做上靶位呢?同埋做下靶位係最好做同最易做,我好想佢哋洽我,然後觀眾會同情我添。可能我有少少被虐狂,我反而期待嘉賓同埋獎門人、獎老點樣『糟質』我,係會掟Cream定真係拳打腳踢呢?」

《開心無敵獎門人》「獎門人」曾志偉。(梁碧玲攝)

程浩駿想以下犯上 曾志偉:你咪試吓囉

「獎老」程浩駿透露,有一天他突然想起可不可以 以下犯上「逆襲」時就問曾志偉這個問題,結果曾志偉就回答他:「你咪試吓囉,你照做囉我哋又唔係Live,唔得咪Cut咗佢再嚟過囉。」程浩駿說:「嗱,呢啲就前輩啦,佢唔會Ban你,佢會叫你做,但係個語氣同個樣就會話你知:『你咪試吓囉,到時做咗後果唔知點。』我到呢一刻仲盤算緊,哈哈。」

+38

入行5年諗過放棄:係咪應該轉行?

程浩駿:「入咗行5年我成日都問自己幾時有機會,到真係有機會,我反而問自己何德何能可以做獎老,何德何能可以企佢哋隔籬,但係機會嚟到唔通唔要咩。我之前成日做反應堆,其實係啱,因為我嚟到就係要無限畀反應,所以真係要多謝獎門人畀機會。坦白講我曾經諗過放棄,係咪應該轉行呢?啱唔啱做呢行呢?」