【主人我返嚟喇．有片】簡淑兒行路慢過隻龜 承諾養一世不放生
撰文：何志衡
出版：更新：
簡淑兒Jessica甚少帶龜主人出街，今次是首次一同在公園散步。（梁碧玲攝）
上星期簡淑兒Jessica開心帶住「龜蜜」Tur Tur散步，今個星期還有餘興節目，就是解構「龜兔賽跑」這個童話故事，究竟龜跑得有幾快？Jessica說養了Tur Tur近５年其實也不知道牠能跑多快，所以對這個測試很雀躍。
其實所謂測試很簡單，就是由Tur Tur起步開始計算時間，看牠在指定時間內能行幾遠。簡淑兒首先拉開軟尺放在地上，然後小心地把Tur Tur放在起點，Tur Tur抬頭望了Jessica一眼便眼望前方；可是Tur Tur似乎唔多想行，Jessica在旁邊顯得很心急，不停呼喚：「主人主人，行吖行吖！佢要啲時間warm up。」話口未完Tur Tur突然起步行向Jessica，不過路線有點偏離，搞到Jessica手忙腳亂地執起軟尺從新放置，估唔到Jessica玩得這麼認真。
小測試好快就完結，Tur Tur用了5秒鐘就行了約1米，Jessica覺得很驚訝：「佢逃跑嘅時候係最快！我隻龜可能行得仲快過我。」所以我哋唔好再睇小啲龜喇！
Jessica養龜又的確遭過白眼，甚至家人都覺得養龜太怪叫牠放生，當然Jessica不會這樣做，她認為將龜放生等同靠害：「呢啲自家龜我由細到大都養佢，佢出到去唔識得覓食㗎！日曬雨淋亦未必適應囉！同埋出面啲龜好多時會因為爭嘢食而打交，會咬傷同咬死大家；而且出面好多細菌，自家養嘅龜係未必有抵抗力，養寵物係一生一世嘅責任，你都唔會將啲貓、狗、兔仔去放生啦，點解要攞隻龜去放生呢？」很有道理，不適當的放生有時反而害了一條生命，要愛護動物呀！
簡淑兒反對把自家養的龜放生。（梁碧玲攝）
怕主人Tur Tur出街肚餓，Jessica帶埋生果來餵牠。（梁碧玲攝）
簡淑兒對牠的龜步行神速十分驚訝，更自嘲自己行得比龜慢。（梁碧玲攝）