【麒麟金城武】新晉男神男女通殺 莫竣名:試過有男仔向我示愛!

撰文:
最後更新日期:

「麒麟一番戀」翻版金城武,莫竣名Louis,今年24歲,現為數學補習老師。

男神和女神一向渴市,最近令一眾女性為之瘋狂的,一定是「麒麟一番戀」廣告的四眼鬍鬚仔,有女網友覺得他似金城武、有些覺得似高以翔…...眼神又似梁朝偉,甚至是三人混合體,總之就是靚仔。這位新晉男神,他叫莫竣名(Louis),不單止有男神外表,更是中文大學數學系畢業生,嗜好是拉小提琴,中五已考獲8級小提琴,Louis 2015年接受過雜誌訪問表示,自己鍾意在凌晨12點在宿舍拉小提琴,真係浪漫到殺死人,以為Louis是文靜的,妳又錯了,他是游泳健將,亦參加過中大水運會(但他的泳褲造型未找到…...不好意思)。

其實有冇鬚都係其次,靚仔咩造型都係靚仔,呢個世界就係咁唔公平。(Instagram圖片)

難得有這種貨色,當然要對他深入了解,原來他留到滿面鬍鬚只須一星期,他說:「嗰個廣告一、兩星期前拍,導演係我大學同學,佢叫我記住留鬚去Casting,其實我留鬚好快,一個星期就可以成面都係,做Model嗰陣啲客人都鍾意我成熟少少,其實我又冇咩所謂,基本上我朝早剃完、夜晚已經生返少少,我中學開始啲鬚都好密。(網友話你似金城武?)吓?過獎喇,冇得比,我覺得自己似鍾鎮濤多啲,同埋我好矮,我啲朋友好鬼高,我得172cm。」

Louis留鬚就不羈一點,唔留鬚就可以是陽光男孩,暫時自由身,今次廣告應該會成為搶手貨。(Instagram圖片)

可惜男神名草有主,他說:「我有女朋友喇,係中大同學嚟,拍咗兩年幾喇,我鍾意得意啲嘅女仔,我唔浪漫㗎,但都試過整卡畀女友,同埋送個卡通人物生日蛋糕俾佢,就咁咋。」這次廣告不單止女粉鍾意Louis,連男粉絲都情傾這位鬍鬚仔,連Louis自己都知,他說:「佢哋好似特別鍾情有鬚的,女仔向我示愛就唔記得,通常都係男仔,最記得小學時,有個男仔跟住我行好耐,我直頭走佬啦,但佢唔知邊個位彈出嚟,跟住兜口兜面同我講話鍾意我,跟住我話『下,我唔鍾意男仔。』之後我掉轉頭即刻走,因為小學唔識點處理,但其實我係鍾意女仔嘅。」

Louis今年24歲,年幾前在中大畢業,現在在一間商場的補習室為中小學生補習數學,不過Louis沒有講那間補習社,唉…...係好想找Louis瘋狂補習呀。

+3
+2

Louis愛貓相信又加分。(Instagram圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。