賽前呼聲甚高的徐麟（Astrid）失落2022年香港小姐獎項，更慘遭淘汰出局無緣晉身五強。有消息指競選當晚徐麟回到後台時疑是因為被淘汰而痛哭。

徐麟接受《香港01》訪問時表示真有其事，但並不是因為被淘汰而喊。她說：「聽到現場觀眾嗌我名，我都覺得好感動。所以就喊咗少少。之後就提醒自己，因為大家鍾意我，先嗌我名，對我係一個好難忘經歷。」她表示，因為得到現場觀眾鼓勵，感動到流淚，而不是因為被淘汰，所以傷心。

問到日後的發展，她就表示現時正在與TVB傾談中。如果不成功的話，就可能會回去繼續修讀博士學位。她說：「順利畢業係我自己一個目標。」談到做TVB藝員的收入，她直言並不在考慮範疇之中。她說：「我冇諗過呢個問題。」如果人工只得6，7千呢？她反問：「你點知？我都唔知呀。呢一行有不同挑戰，係我最享受嘅部份。（人工）都唔係冇所謂，公司會照顧我哋，我有信心嘅。」