香港小姐2022|林鈺洧否認踏入名店鬧情敵:以往男朋友都冇第三者

撰文:林迅景
出版:更新:

林鈺洧(Denice)當選2022年香港小姐冠軍後不斷有關於她的「黑材料」流出,日前有指林鈺洧曾於名店上班,還指林鈺洧捲入複雜的三角關係,性格剛烈的林鈺洧更為男友踩上第三者工作的名店大鬧,令第三者知難而退,「花生度」滿分!不過昨日(6/10)林鈺洧出席活動時就否認有其事。

2022年香港小姐冠軍林鈺洧。(葉志明攝)

林鈺洧接受《香港01》訪問時直言和以往幾位男朋友拍拖時都沒有出現第三者,所以未曾走到第三者工作地方鬧事,她說:「據我所知以往幾位男朋友都冇第三者,我都好相信佢哋冇,而家爆咗出嚟我都有少少懷疑,但係拍緊拖嘅我就冇,所以呢啲係假新聞嚟。」

林鈺洧表示「闖名店大鬧情敵」是假消息。(葉志明攝)

她表示,與以往幾位男朋友關係都十分好,而且她對待感情也十分認真:「我視每一位都係結婚對象。每一位出現都係緣份嚟。」是否得罪了才被中傷?她想了一會,說:「唔……過節?我好少同人發生過節。我覺得同每一個人相遇都係一個緣份,所以我唔會特登憎一個人或者同人鬧交。可能有啲人唔鍾意我個樣,唔知道,我真係冇一個名。如果我真係對某一個人唔住,咁就真係對唔住囉,我都希望你可以放低,就算我做咗啲得罪你嘅事我都係冇心。」

點擊睇 2022年香港小姐冠軍林鈺洧靚相:

+14
你可能感興趣