開心無敵獎門人｜江欣燕回憶趣事 做獎老係優差：啲嘢曾志偉做晒
撰文：林迅景
出版：更新：
《開心無敵獎門人》昨晚（15/10）錄影邀請了歷年做過「獎老」或於禮物組工作的藝人上節目玩遊戲。江欣燕拍攝完《同事三分親》及《畢打自己人》之後就於2010年加入《超級遊戲獎門人》成為「獎老」之一。她接受《香港01》訪問時表示，再次上《開心無敵獎門人》做嘉賓勾起了十分多回憶。
江欣燕上《開心無敵獎門人》做嘉賓。（林迅景攝）
江欣燕說：「我最驚係茶餐廳嗰個，記好多嘢食，又4個人8個人嗰啲，之前成日拍劇未轉到，要調頻㗎我哋。我仲記得，好多年我同曾華倩、小慧一齊上嚟玩辣辣壽司，我緊張到，拍到對腳返到屋企係瘀晒。」
江欣燕是獎門人節常客。（YouTube截圖 / TVB）
《開心無敵獎門人》10月16日節目錄影。（林迅景攝）
問到江欣燕喜歡做嘉賓還是獎老？她回答：「我緊係鍾意玩啦，我唔鍾意做獎老㗎，做獎老睇住人冇得玩好悶㗎。我嗰時試過周秀娜上嚟，佢玩嗰時低腰仔褲有少少走光，有我喺度就可以幫佢囉。」
江欣燕上《開心無敵獎門人》做嘉賓。（林迅景攝）
做獎老是辛苦事？江欣燕笑言做獎老算是休閒。她說：「冇咩做㗎，啲嘢曾志偉做晒。好懷念以前度橋一齊食宵夜，我試過有個game係我度嘅，輸咗就要加啲嘢喺入面飲。」曾志偉要求很高？江欣燕回答：「冇乜嘢嘅，因為佢想件事出嚟smooth，氣氛好，畢竟我哋係做嗰個節目。」