佘詩曼憶奪港姐季軍係意料之外 曾不忿被屈練就高EQ:食唔少死貓

撰文:邱愛霖
出版:更新:

視后佘詩曼近日接受內地電台節目《麗人麗語》訪問,佘詩曼選港姐出身,5歲已被身邊人遊說選港姐,「我有少少抗拒呢件事,(覺得)好煩呀你哋。」佘詩曼從瑞士大學酒店管理畢業後回港,找不到工作,媽媽再度催促她選港姐卻因此鬧交,最後在朋友鼓勵下才決定參選,她憶述:「我好震驚,你係我最好朋友,竟然企喺我媽咪嗰邊?跟住我真係好似電視劇劇情咁,我同學幫我攞晒報名表,幫我填晒、交埋,變咗真係參加咗啦。」

視后佘詩曼是1997年港姐季軍。(TVB截圖)

佘詩曼1997年參選,問答環節5題答錯4題,仍神態自若,自信滿滿令人印象深刻。佘詩曼自言中學讀女校,性格怕醜唔識同人相處,加上家教嚴格,令她有社交恐懼,而她參選期間非常緊張,沒太大自信爭贏冠軍,入到總決賽已心滿意足,最後攞到季軍是出乎意料之外,「攞到第3名勁開心,唔使輸呀!」

樣子甜美的佘詩曼很快就成為了TVB的一線當紅花旦,所拍攝的作品都是高收視的保證。(《十月初五的月光》劇照)

雖然半推半就參選入行,但佘詩曼自言經深思熟慮才決定做演員,從小很清楚自己目標。佘詩曼入行初期被批雞仔聲及演技欠佳,她稱面對壓力時會選擇至少搵4位朋友以上發洩,「講到第5次之後呢,都覺得冇乜嘢㗎喎!講到自己都滑晒之後,問返自己點解要咁嬲呢?」

佘詩曼人緣好,與曾志偉更是好友。(佘詩曼微博)

佘詩曼又會食雪糕哄自己開心,並靠沖涼冥想沉澱反省自己。迎來負評時,年輕的佘詩曼會大感不忿,長大後漸有自信,將他人抹黑置諸腦後,「當時都食唔少死貓,但經歷咗咁耐之後,你哋講乜咪講乜囉。」並學懂謙卑接受批評。

佘詩曼。(VCG)

47歲的佘詩曼愛情至今未有斬獲,她自認沒有婚姻焦慮:「我好衷心咁話畀大家聽,我而家好幸福。我有健康、屋企人,好多好朋友,鍾意嘅工作,我食得瞓得玩得,開心滿足,做人要滿足,只要你滿足就好幸福。至於Extra嘅嘢,係咪人哋有嘅嘢我都要有呢?咁你要自己衡量囉!」佘詩曼又認為:「有得就有失,成正比嘅。如果你想追求某一樣嘢,其他方面就會遜色少少。」

佘詩曼話現在好幸福。(小紅書圖片)

點擊睇當年阿佘選港姐片段:

+93