《輕·功》收視首周得17.7 創第4低紀錄 韋家雄：都唔算太唔好
撰文：吳子生
出版：更新：
韋家雄今日（29/12）現身鰂魚涌室內攀石場出席無綫熱播劇集《輕•功》宣傳造勢活動。提到《輕·功》首周收視只得17.7成今年9點半檔期第4低記錄，成績強差人意。韋家雄表示：「其實都唔算太唔好，因為佢哋只係計緊電視嘅點擊率。因為好多人都會上網同用手機去睇，變咗好多嘢都係冇計到嘅。同埋本身套戲嘅口碑係幾好，睇返討論區都好多人去討論呢套戲嘅劇情。」
好身手。（葉志明）
被問到會否因黎耀祥無現身出席宣傳活動而間接影響收視？韋家雄笑言：「我諗佢喺度可能會好啲啲嘅。不過可能係撞正聖誕節假期同有球賽嘅關係先會係咁。但我知仍有啲跨平台係未計嘅，咁變咗我係唔擔心嘅。」
韋家雄對《輕·功》收視有信心。（葉志明攝）
大合照。（葉志明攝）