愛回家｜蘇韻姿犯眾憎遭飛出劇組 過來人龔燁：冇心得同佢分享
撰文：吳子生
出版：更新：
張景淳早前疑因遲問題辣㷫珍姐（曾勵珍）遭到雪藏，相隔多時才被解凍。如今在劇中飾演熊心如一角的蘇韻姿，疑因工作態度屢勸不改犯眾憎，最終步他後塵，遭掟入雪櫃冰封無期。
張景淳今日現身將軍澳電視城出席《愛·回家之開心速遞》「開心迎新歲」宣傳造勢活動。（葉志明攝）
張景淳今日（12/1）現身將軍澳電視城出席《愛·回家之開心速遞》「開心迎新歲」宣傳造勢活動時，接受《香港01》訪問時表示：「雖然今日唔見佢出席呢個活動，但其實我哋行開行埋都會見到對方，例如上次台慶頒獎禮佢都喺度咁。暫且而家劇情講佢去工幹未返啫，始終劇情嘅嘢都係出出入入咁，變咗佢幾時返我都係唔知。」
張景淳表示都有安慰蘇韻姿。（葉志明攝）
對於有指蘇韻姿疑因工作態度差得罪高層，張景淳就力撐對方：「我作為熊家嘅人，我哋感情係好好，我自己就睇唔到咁樣。（有冇安慰對方？）我都有同佢講，劇情變化出出入入都好正常，就好似自己之前咁，變咗無咩嘢好擔心。（有冇將自己心得同對方分享？）其實我冇咩心得同佢分享。我都有同佢講如果劇情咁寫咁話，咪就當放吓假。同埋我哋除咗返工之外，其實都冇其他嘢可以做嘅。」
張景淳力撐蘇韻姿為人:我自己就睇唔到咁樣。（葉志明攝）
愛回家｜「熊心如」蘇韻姿突然離開熊家 原因是什麼？
蘇韻姿憑住演出處境劇《愛．回家之開心速遞》飾演熊心如一角成功入屋，角色亦受到劇迷與網民的喜愛。有傳蘇韻姿曾經在拍劇期間遲大到，甚至不肯認錯，遲到後竟將卸責任落助導身上，結果犯罪憎。據悉高層亦曾就有關事件開咪指摘訓示過蘇韻姿，可是她卻屢勸不改，結果...【詳細內容】
愛回家｜「熊心如」蘇韻姿角色討喜 真人原來暗藏好身材？
TVB處境劇《愛‧回家之開心速遞》飾演熊心如的蘇韻姿顏值出眾，心如呢個角色平時打扮都是密密實實，原來她暗藏完美身材。早前穿上性感的運動服上陣，一副戰鬥格十分吸睛...【點擊看更多靚相】