無綫綜藝歌唱真人騷《中年好聲音》女參加者李佳今日（11/4）現身深水埗出席派飯活動。對於成功打入《中年好聲音》決賽，成冠軍大熱。李佳表示：「其實4月23日就係決賽，當晚我都唔知自己個狀態會係點，尤其當晚現場會有好多鏡頭對住我，我會唔會驚，呢一刻連我自己都答到自己，所以無論點都好，都要處理好自己嘅心態，要提醒自己要淡定啲，不停咁催眠自己，起碼同自己講咗先，哈哈。（想唔想攞冠軍？）我梗係想攞冠軍，因為呢個都係參賽目標，相信每個人都係咁諗。」