C AllStar何建曦獨立發展面對經濟困難接酒吧騷：生活比較緊絀
撰文：吳子生
出版：更新：
男子組合C AllStar成員何建曦(SoulJase)去年離開唱片公司後轉做獨立歌手半年時間，他不措自資經 營，面對人生最窮時銀行存款只剩幾萬元，依然奮勇向前未有放棄音樂夢。
今日（8/4）SoulJase現身尖沙咀出席著名牌品「Crisathena」新店開幕禮。SoulJase接你《香港01》訪問時說：「而家我係獨立發展冇公司，咁所以喺音樂上面係自由少少。相反我就要面對資源不足嘅情況，就要面對不少壓力，變咗我就要接唔同嘅工作做，例如喺頭半年，我將會到同唔同嘅酒吧度唱歌。」
SoulJase明白音樂路難行，但仍會堅持落去。（陳順禎攝）
對於早前開一場演唱會，只得收入不到一萬，SoulJase表示：「其實都不似預期，但當日觀眾嘅反應係好好嘅，我見到係好窩心嘅。有時財富呢啲嘢，都唔能夠用金錢去講得晒嘅。（音樂路難行，有否想過放棄，不如打份工算？）其實我都入咗行14年，曾經係有幾刻想放棄唔做，有諗過不如打份工算。但我明白到有啲嘢係迫都迫唔嚟，所以我係平常心咁去做我自己鍾意嘅音樂。雖然收入好唔穩定，生活比較緊絀，但對我嚟講唔係問題，因為夠食就得。」
SoulJase今日出席著名品牌「Crisathena」新店開幕禮。（陳順禎攝）