婚後事｜陳自瑤首做女一超多親熱戲 傳因尺度過激被抽起：有聽聞
撰文：吳子生
出版：更新：
陳自瑤（Yoyo）今日（6/5）現身灣仔出席嘉年華開幕禮。Yoyo首度擔正女主角的無綫（TVB）新劇《婚後事》，有指原定在4月播出，但由於劇集內容情節太過黑暗、尺度大膽，經高層檢視過後，決定暫時抽起不播。
對於新劇《婚後事》被臨時抽起不播，Yoyo表示不太清楚。（葉志明攝）
對此，Yoyo在接受《香港01》訪問時表示：「我係有聽聞過，但公司就冇通知過我哋演員，不過我就相信應該係未落實幾時播，因為公司有咁多劇集，佢哋可能會粗略咁排咗個期，但到最終有可能會再有變動，咁所以我就冇去深究，因為呢啲情況經常都會發生，都係屬平常事。（擔唔擔心因為你演出尺度太過激，劇情被刪減？）唔又冇，始終都以公司為準，而我好相信佢會保留返應有嘅嘢，同時我亦好相信佢哋嘅決定，係會衡量所有嘢，而最終嘅決定係點，相信出到嚟嘅結果都係最好，咁所以我係唔擔心。（無綫可能留返喺台慶度播，成就你攞視后！）哈哈，承你貴言，希望啦，不過無論點都好，都係最好的安排。」
Yoyo今日現身灣仔出席嘉年華開幕禮。（吳子生攝）
Yoyo今日現身灣仔出席嘉年華開幕禮。（葉志明攝）