蔡宛珊自爆唔識游水照飛墾丁滑水 孖紋身師男友玩4日快閃
撰文：吳子生
出版：更新：
蔡宛珊（Sarika）今日（6/5）現身灣仔出席嘉年華開幕禮。擁有一身健康膚色又熱愛水上運動的Sarika，趁夏日來臨，透露明天和紋身師男友Dust Wu（胡仔）及一班好友一齊飛往台灣墾丁滑水渡假。
蔡宛珊今日現身灣仔出席嘉年華開幕禮。（吳子生攝）
蔡宛珊表示今次都係抽少少時間過去玩4日快閃，因為自己都有工作在身，變咗唔可以玩得太耐。「今次都係我第一次到墾丁，過往從來都未去過，咁所以都唔知嗰度嘅浪會有幾勁。不過唔講大家都唔知，其實我係唔識得游水㗎。但每到夏天，大家總會見到我喺個海度，好多朋友都成日笑我，唔識游水都學人玩水上運動，真膽大包天，哈哈。講真我都覺得自己都幾大膽㗎，不過嚟近我嘅首要任務就係要學游水，希望今年會學識啦。」
蔡宛珊透露明天會飛台灣墾丁滑水。（葉志明攝）