真係唔好笑｜方紹聰唔覺係被cut：餘下集數應該喺暑假播
撰文：蘇國豪
出版：更新：
由藝人李霖恩擔任出品人、編劇的電影《世上只有爸爸好》日前已上映，該劇以父子情為主，亦是已故資深演員廖啟智（智叔）的電影遺作。今（24日）電影舉行宣傳，在劇中有份出演的方紹聰（奶仔）在接受訪問時自爆，看完電影後會流下男兒淚。
奶仔在電影中飾演一位幫派份子。（葉志明攝）
在電影中奶仔是飾演一位幫派份子，做盡不少壞事，問及在演這類角色有沒有做功課？他就表示：「我住屋邨嗰陣時屋邨有好多呢種，其實到了解到少少。」而他亦表示已觀看電影多次，令他非常感動：「睇咗好多次，（有冇喊？）其實我有喊，我睇嘅時候成套戲主要係講親情，同埋智叔演技好。」而在拍攝該電影之前，他亦已填好器官捐贈：「我自己係覺得當你走咗之後，你身體可以幫到人，其實係好好嘅事情。」
奶仔已登記器官捐贈者。（葉志明攝）
另外，提到他有份主持的節目《真係唔好笑》被刪減，問及有否感到失望時，他就表示：「其實我覺得一個節目始終公司一定有佢哋節目調動安排，不過以我聽到訊息，餘下集數應該喺暑假播。（曾志偉話CUT？）呢個唔知。（有冇唔開心？）其實又唔會，首先我唔覺得俾人cut，嚟緊暑假播可能更加好。」
奶仔表示《真係唔好笑》在暑假播．（葉志明攝）