吳業坤日籍愛妻濱口愛子頻頻現身馬場打卡：同馬會朋友傾緊合作
撰文：吳子生
出版：更新：
吳業坤今日（4/7）現身尖沙咀出席《明愛暖萬心》記者會。提到日籍愛妻濱口愛子每逢賽馬日，頻頻現身馬場打卡，坤哥受訪時表示：「其實佢本身都好鍾意馬匹，而且佢未嚟香港嘅時候，佢喺日本做賽馬節目主持，咁所以對馬匹都有一種情意結。而家佢一有時間，就會同朋友一齊去馬場，近距離接觸啲馬匹，而且還會落沙圈近距離觀察馬匹，同佢哋眼神交流睇狀態，同埋會落飛玩吓考吓自己眼光獨唔獨到。而家我知佢都有同馬會嘅朋友同埋練馬師傾緊合作，睇吓可唔可將日本嘅賽馬文化同香港嘅賽馬文化結合。」
吳業坤今日現身尖沙咀出席《明愛暖萬心》記者會。（葉志明攝）
吳業坤笑言對馬匹不感興趣。（葉志明攝）
大合照。（葉志明攝）