【蘭花劫】《波士早晨》又等十年先播? 主角黃智賢:未排到期啫

撰文:林通賢
出版:更新:
《蘭花劫》是10年前作品,男主角黃智賢都話有啲情節已經唔記得咗。(網上圖片)

《不懂撒嬌的女人》星期日結局,緊接播放的有十年倉底劇《蘭花劫》,看完4K製作質素,再看回10年前低清畫面,《蘭花劫》第一晚應該收視不俗。戲中女主角田蕊妮早前表示非常開心,因為加盟無綫第一套作品終於出土。其實藝員見到自己播的劇集,變了倉底再破土而出,心情開心到難以形容。不過《蘭》劇男主角黃智賢相信心情就複雜多了,事關他2015年和陳慧珊合作的《波士早晨》到現在仍然未有時間表,他接受《香港01》訪問時表示,好有信心《波士早晨》會出街,但亦想網民為他集氣。

《波士早晨》由黃智賢、陳慧珊主演,但傳聞因為高層鬥爭攪到冇得出街。

黃智賢說:「《蘭花劫》播出我都幾驚喜,亦好開心,有啲情節真係唔記得咗,但有啲主要劇情都仲記得,(但你套《波士早晨》變咗倉底,有冇信心幾時出土?)我都希望播出嘅,亦有同公司嘅人傾過,佢哋話會播嘅,不過一直未排到期啫,我相信會播嘅,我仍然好有信心,我諗唔駛等10年咁耐啩?我呢套劇絕對見得人,劇情幾好笑,或者大家幫下手網上講下,公司會聽到㗎,(係咪高層鬥爭冇得出呀?)唔知喎,高層就問返高層啦,哈哈,我好低層㗎,我不評論,亦不揣測。」不過時裝劇最多放半年就要出街,如果放兩年……真係好難再見天日?即使播都不會是黃金時間!希望大家唔使等十年先睇到啦!

+4