鍾培生拳賽｜周永恆難頂龍心經常心不在焉問非所答：長期咁我好攰
撰文：吳子生
出版：更新：
周永恆今日（2/10）以拳手身份現身大埔亞視總台出席由鍾培生籌辦的拳賽記者會。對於另一重頭戲碼賽事，由劉馬車與龍心對決，娛樂性豐富十足。周永恆受訪時表示：「我嚟之前勁興奮，好似睇明星咁，龍心真係好似謝霆鋒咁，相比我見到劉德華都冇咁興奮。龍心話要我幫佢寫歌，佢仲同我交換咗電話。（佢經常話自己去咗宇宙，你跟唔跟得貼？）喺呢個宇宙嘅話，我同佢都溝通到。不過有時佢又會去咗第6個宇宙嗰邊，但佢係唔會話你知佢係邊個，但你要透過佢嘅眼神知道，要捉返佢返嚟囉。（咁樣相處會唔會好攰？）得閒見吓就冇嘢，但長期嘅話就會好攰啲。」
周永恆覺得龍心好似謝霆鋒。（梁碧玲攝）
周永恆續說：「相反我睇劉馬車就比較正常，其實我覺得佢一直係扮傻，令到我都懷疑自己，因為佢EQ高，話癲就癲，話冇嘢就冇嘢。相反我就唔係，我係一嚟就控製唔到自己，令到個個人都擔心我。其實我應該係有病嗰個嚟，咁所以我而家返去睇醫生先，白卡組一定唔係佢哋，而係我。」
記者會龍心同劉馬車未有發生衝突。（梁碧玲攝）
+1