阿儀宣布將出戰渣馬10公里賽 網民擔憂叫定白車:10K唔係10步喎
撰文:金秀玲
出版:更新:
薛影儀(阿儀)早前因用粗口炮轟經理人林寶玉,遭到所屬公司AMM嚴厲譴責及雪藏,更被要求刪Post,她亦在《香港01》的獨家訪問中表示自己已做好轉行心理準備。而暫時冇工開的阿儀,未知是否受好友黃榕影響,經常孖住做運動。黃榕近年以「金剛芭比」形象示人,健身操出滿身肌肉,又帶阿儀去拉筋等等,兩人原來跟一齊報名參加渣打馬拉松。
黃榕(右)被指帶壞阿儀,但黃榕近年明顯感染到阿儀做運動。(IG@ching_yee0205)
阿儀好姊妹黃榕已轉型成健美小姐。(IG@glorianawong)
阿儀今日在社交平台貼出渣馬2024的報名結果通知,她原來抽籤成功,更將會挑戰10公里賽!阿儀說:「我同黃榕、蔡子瑩報咗馬拉松十公里,今日好開心抽籤抽到我哋。」但網民似乎很擔心她無法完成賽事,留言:「阿儀,當日使唔使幫你call定白車?10K,唔係10步😥😥」、「期待黃榕榕自己跑走,淨番你一個自己跑😝」、「係咪想破最慢紀錄?」不過亦有人相約阿儀練跑,叫她著返選亞姐時的泳衣上陣,又說:「我嘅愛情長跑都抽中你,DM我領獎」另外,由於另一網絡紅人劉馬車今年曾擅闖渣馬跑道,被罰終身禁賽,有網民表示可惜冇得睇佢兩個一齊跑。
阿儀隨時面臨失業,未知是否因此以運動麻醉自己。(資料圖片/梁碧玲攝)
阿儀非常幸運,抽中跑渣馬的名額,更將挑戰10公里賽事!(IG@ching_yee0205)