尹光演唱會造型獲網民大讚走在潮流尖端：直頭係第2個人嚟
撰文：吳子生
出版：更新：
尹光今晚（6/11）現身灣仔會展出席《金帆音樂頒獎典禮》。提到日前（4/11）再次登上紅館舞台開騷《尹光Wan K.宇宙巡邏演唱會》，吸引不少歌迷到場支持，尤其在演唱會上驚喜獻唱林家謙的《一人之境》一幕，獲得全場觀眾的熱烈掌聲，更有網民大讚尹光的造型走在潮流尖端，順應時代在演出及音樂上力存求。
尹光今晚出席音樂頒獎禮。（陳順禎攝）
尹光接受《香港01》訪問時表示：「嗰晚演出真係由頭興奮到尾，啲觀眾非常熱情，不停搖手上嘅光棒，搞到我把聲而家都沙埋。當晚嗰個造型，我哋嘅圈隊真係用咗好多心機，做咗件咁靚嘅服裝畀我，加上個髮型咁韓風，成個Look唔係我尹光嚟，直頭係第2個人嚟。我喺香港唱咗53年，真係未曾試過玩得咁開心嘅演唱會，對我嚟講今次係好突破。」
尹光透露一月會返大陸開騷。（陳順禎攝）