何依婷公佈婚訊曬巴黎婚紗照 好友鄭衍峰守密辛苦：個嘴似拉鍊
撰文：吳子生
出版：更新：
鄭衍峰今日（7/11）現身將軍澳出席《善心滿載仁愛堂》記者會。對於好友何依婷昨日（6）於社交平台突然上載3張於巴黎拍攝嘅婚紗照宣布婚訊。鄭衍峰接受《香港01》訪問時表示：「其實真係戥佢開心，而本身我都知佢有呢個結婚計劃，變咗要我守住呢個秘密真係好辛苦，搞到我個嘴好似拉鍊咁，見到佢喺社交平台度公佈咗，我冇咁大壓力，個人輕鬆咗好多。而早前係《新聞女王》飯局度，係見過佢未婚夫，係高大又靚仔。（知唔知佢哋會喺邊度舉行婚禮？）我諗呢啲由佢哋自己向大家公佈會好啲，我怕自己講太多就唔係咁好，我驚我講太多，佢唔畀我去呀，哈哈！」
鄭衍峰當晚會為《善心滿載仁愛堂》籌款節目擔任司儀。（陳順禎攝）
何依婷公佈婚訊 曬巴黎婚紗照。
鄭衍峰當晚會為《善心滿載仁愛堂》籌款節目擔任司儀。（陳順禎攝）
鄭衍峰大讚何依婷未婚夫高大靚仔。（陳順禎攝）