美斯缺陣惹全港公憤 謝東閔現場睇波直擊碧咸被噓慘況：我好心痛
撰文：吳子生
出版：更新：
謝東閔今日（5/2）現身打鼓嶺雲泉仙館出席無線熱播劇集《本尊就位》之「向呂祖祈」宣傳活動。提到昨日香港大球場，上演一幕香港足球盛事表演賽，由「香港隊VS 國際邁阿密CF」，「球王」美斯疑因傷未有落場，在一片噓聲中結束。有球迷不滿怒斥「世紀大騙案」、直指香港變成水魚之都。更有球迷在現場怒踢美斯人形紙牌洩憤表不滿。
美斯缺陣惹爭議。(資料圖片)
昨日有份入場睇波的謝東閔就事件接受《香港01》訪問時表示：「其實美斯冇落場踢波，就變咗有一個尷尬位，咁所以希望主辦單位同我哋大家交代，究竟係係主辦單位有問題，定係國際遇阿密嗰邊有問題，認為美斯有傷所以冇派落場呢？但我就覺得佢落場踢幾分鐘就Ok。我係現場都見到蘇亞雷斯都喺場邊都有熱身，我仲見佢跑得好快。咁所以成件事，希望各方都要解釋清楚囉，唔好令到大家會有咁多揣測，因為我今日見到呢件事，已經上晒去國際新聞，而我覺得碧咸好慘，被現場嘅球迷噓得好慘，我好心痛，我希望佢領隊同香港講兩句。」
美斯缺陣，惹起全港球迷公憤，謝東閔希望有關方面需要解釋清楚。（吳子生攝）
碧咸被球迷噓。（資料圖片）
+5