張繼聰父親節阿仔hea送膠風扇 謝安琪：老豆瀟灑接都冇接
撰文：陳奕熙
出版：更新：
娛樂圈中的模範家庭，張繼聰和謝安琪（Kay）日前同囝囝張瞻慶祝完10歲生日，隔幾日就到父親節，理應調返轉是爸爸阿聰享福的日子，囡囡先得幾個月大做唔到啲咩就冇法啦，點知連囝囝都冇咩表示。
張繼聰一家好幸福。（Facebook圖片）
Kay在Facebook分享張家的父親節故事。（Facebook圖片）
Kay在Facebook分享到一個《瀟灑的父子》故事，話說父親節囝囝乜都冇準備到，阿聰讚囝囝夠「瀟灑」，Kay見狀都應該feel到阿聰有啲唔開心，就問囝囝是不是應該送點什麼給爸爸，於是囝囝不知在哪兒找了一個自己不太喜歡的風扇，在晚餐時送給爸爸：「然而，佢老豆都好瀟灑：佢見到個仔俾份咁嘅禮物佢，佢接都冇接到，手都冇伸出嚟，只係問左一句：『個風扇仔你買㗎？』個仔答：『頭先唔知喺邊度搵到既（嘅）』個風扇就咁滯留咗係枱面，場面相當無奈。」
依把就係個把落寞的風扇。（Facebook圖片）
另一時間阿聰都有在Facebook分享收到的父親節禮物，將相同Kay嗰張一樣，更笑指這把風扇仔的寓意是：「吹咩！？」，雖然Kay就形容到送禮物的情景好無奈，但阿聰都補返句話：「Anyways，多謝，外景啱用。」阿聰最後都接收了囝囝的心意，風扇仔都有着落喇！
囝囝生日的時候，阿聰和Kay準備了波衫糖霜蛋糕。（Facebook圖片）