【我瞞結婚了】陳煒6點後唔食飯keep身材 黑魔后：仲有啲暴露戲
撰文：林通賢
出版：更新：
煒哥在《我瞞結婚了》飾演黑魔后，非常搶戲，亦經常性感。（影片截圖）
《我瞞結婚了》播了兩集，洪永城和黃翠如依然是夢幻組合，不過最令網友追看的，原來是43歲的陳煒，煒哥在劇中飾演一個非常難服侍的CEO黑魔后，劇中除了經常著靚衫，亦大騷女人味，不論男女網友都大讚，煒哥保養得好，原來平時好辛苦㗎！她接受《香港01》訪問時，說：「我一日食兩餐㗎咋，平時唔駛開工，11點食第一餐，又唔會太特別，照正常咁食囉，跟住大約下晏5點幾就食晚餐，我食啲好單一嘅食物，白粥啦，再加個自己整嘅菜，好簡單一個餸，如果要開工就冇計，但都會食少好多。但一定唔飲凍嘢。」
+3
煒哥劇中要著多套晚裝，原來全部都是何國鉦贊助。（影片截圖）
煒哥能夠在劇中大騷身材，除了本身keep得好，靚衫都好重要，原來全部都係著名設計師何國鉦Dorian贊助，她說：「因為我個角色係女強人，又要靚又要性感，之後都仲有啲暴露啲嘅戲，基本上每個禮拜都一場，好彩好朋友何國鉦(著名香港時裝設計師)肯借啲靚衫畀我，一次過借十幾套畀我，真係唔話得，佢好知我身材係點，所以大家覺得靚，佢好大功勞。」
不少網友，尤其女性讚煒哥皮膚白滑，煒哥就覺得功勞全屬燈光師。（影片截圖）
不少女網友覺得煒哥皮膚白滑，但煒哥話秘訣是燈光師，她說：「冇秘訣，公司燈光師就係美容師，佢哋重要過妳用幾多化妝品呀，護膚品呀，嘩！我哋呢啲年紀梗係要照顧下啦，真係㗎，如果喺我哋面前低嘅嘅位補枝燈，打返上嚟，就算拍到三更半夜都冇眼袋，所以我都成日買宵夜糖水畀佢哋㗎，哈哈。我個靚樣靠哂佢哋。」
煒哥表示劇中每星期都要性感，網友真的要留意著。（影片截圖）
上年煒哥和高海寧、陳自瑤在台慶表演肚皮舞，搶眼程度絕對不輸蝕給後生女。（資料圖片）