【主人我返嚟喇】被虐狗女變動物老師 DJ林柏希：佢工作係賣萌
撰文：何志衡
出版：更新：
樂樂已做了幾個月動物老師。
因為樂樂左眼患白內障，林柏希必定會在牠右邊，好讓樂樂能看見他。（何志衡攝）
前新城副執行節目總監及主持林柏希(William)救出患白內障、聲帶被割的貴婦狗樂樂，悉心照顧後終令牠擺脫對狗隻繁殖場的陰影，變回活潑開朗的狗女，William希望牠從此得到快樂故為牠改名樂樂。
林柏希還希望樂樂擁有拯救其他動物的使命，於是參加了志願團體NPV（非牟利獸醫協會）的計劃，讓樂樂成為動物老師，William說：「既然佢哋獲救後得到一個家，係咪可以借呢樣嘢變成使命，就係將唔好買動物、要領養唔棄養嘅訊息透過school tour帶畀小朋友呢？等佢哋覺得小動物好可愛，要愛護。」
樂樂賣萌確係有一手。
林柏希每個月都會有幾日帶樂樂到學校探訪，宣揚領養訊息。
要做動物老師也不簡單，需要經過多位評審的考核，必須淡定不怕陌生人、不會亂吠、脾氣好，他說多位評審一致認為樂樂非常適合，樂樂便成為了動物老師，每月都會到不同的中、小學接觸小朋友。「去到學校會分享佢（樂樂）嘅故事、佢嘅健康問題同埋點解我會收養佢等等，而樂樂工作係賣萌啦！俾啲學生去親近佢，俾佢哋知道狗同貓係好nice，就算領養返嚟都可以好乖。」William表示初初以為學生們都很怕醜，但做過義工後才發覺原來學生都很熱情，而且對養寵物有很多疑問，他都會一一解答。
無論貓狗，甚至倉鼠都可以成為動物老師。
NPV只是其中一個志願機構，香港有很多團體會協助搗破非法養殖場及訓練動物成為義工。