【專訪】攝影空間「黑點」遭收樓 創辦人:想過執笠,但衰衝動

撰文:蘇煒然
出版:更新:

甫走進「黑點」門口,就見幾個大大的紅白藍膠袋,地下放着十數個菲林沖罐正待收拾,而原本黑房裏放着的放大機、鋅盆,已通通不見了。「黑點」是本地攝影師尹子聰(Simon)於2006年創立的攝影空間,讓一班攝影愛好者在這裏沖曬相片、閱讀攝影書、開工作坊、辦展覽……惜最近業主收樓,不得不面對洪流巨變。
攝影:高仲明,撰文:蘇煒然

尹子聰(Simon)在2006年成立「黑點」,一直租用上環一個單位;直至最近業主收樓,需要另覓地方。(高仲明攝)

業主賣樓回收單位

「租咗12年,其實都估到終會有咁嘅一日。」Simon慨嘆:「冇理由租成世俾你。」業主最初是要求加租一倍,突如其來的大幅加價,背後的意思其實明白不過;Simon也就開門見山地跟業主傾談,表示無法接受條件,畢竟雙方維持了12年良好的業主租客關係,對方亦坦白告知,最終想其實是想收回所有單位並賣出物業。Simon便明白到上環「黑點」的日子終於要結束。

那時候Simon萬念俱灰,加上「黑點」在最近幾年並不像以前般有聲有色,「既然都沉緊、既然業主要收樓,都可能係一個Signal(信號),話俾我知不如算啦,係時候完結啦。」Simon認真地想過要徹底放棄,在社交網絡發佈「黑點」將要清場的消息;記者亦因此邀請Simon接受訪問,然而幾乎在同一時間,「黑點」的未來透出了光明。

+1

又衰衝動!日後觀塘再見

「衰衝動囉!」SImon表示「黑點」的情況在網絡上流傳開去之後,收到很多人的關心,甚至主動提出要幫忙:「其中一個更加係廿幾年冇見嘅中學同學」那位中學同學早已移居外地,久未聯絡,這種的情況,大概會被懷疑是要借錢、或者另有所圖,「點知佢話屋企係香港有啲物業,可以幫忙睇下有冇合適嘅可以成為新嘅『黑點』,好感動。」在各方支持下,Simon心中那團火又再燃起,連續日走訪不同地區,留意各式租盤,最終在觀塘美興工業大廈找到了。

「撕咗張街招,打電話俾經紀,佢帶我睇咗十幾個單位。返去瞓覺諗咗一陣,第二日就簽咗啦!」從業主處確定要被收樓,直到簽約租新單位,短短不過一星期。未來的「黑點」比現在細1/3,因此租金亦稍微便宜了一點。「12年前(在上環成立『黑點』)都係因為衰衝動。點都好啦,依家一定會繼續落去架啦!」

在「黑點」一個角落裏,放着幾盒相紙。(高仲明攝)

塞翁失馬 視為契機重新定位

Simon坦言「黑點」的財政一向都不是很理想:「資金呢樣嘢,簡直係一個奇蹟呀!我從來都唔係一個識做生意嘅人,成日做啲蝕錢嘅嘢。但可能就係因為我地唔計較,反而凝聚咗一班人。我地俾人感覺親切,所以一話可能要執笠,大家都想伸出援手。」不過經歷了今次收樓事件,Simon都認同之後要在財政上取得較好的平衡:「唔係要發大,但都唔能夠成日都係咁,突然間發生咩事冇錢交租,一陣又要執笠……」

另外,鑑於近年「黑點」似有沉寂的跡象,Simon亦都想將今次變成一個契機,重新定位。當時Simon和其他「黑點」的拍擋憑着滿身熱血,辦了很多的活動、辦了很多展覽,反而使自己過份疲憊,「發覺自己真係做唔到,嚟緊要求生嘅話,一定要有一個新定位,我地要專注係某啲嘢,我地會做返我地專長、做得最好嘅嘢。」

手曬相片的人和地方都愈來愈少,就算用菲林拍了下來,都是掃描到電腦居多。(高仲明攝)
+1

就要衝動 就要不理性

在香港,想推廣文化藝術的人很多,但並非全部都順順利利,其中不少更只是曇花一現。「黑點」成立12年,是做得相對長久的一個,然而一直支撐Simon的並非政府的配套、並非背後有大水喉,「你真係想做嘅,冇錢都會做,唔洗等申請到ADC資助、唔洗等有舊錢係手」Simon曾經想過要將「黑點」註冊為非牟利團體、申請藝發局資助,但因為過程涉及大量文件,最終不了了之。「如果你當佢係你嘅生命,你點都會繼續做。講到底,係關乎你有冇果份衝動、果份不理性。」

這個「黑點」門牌,幾時會搬到新的地址?(高仲明攝)