【逃犯條例】林鄭電視訪問落淚 稱無賣港 丈夫指「賣身給香港」

最後更新日期:

中環多處被示威者佔領,事件震動全社會,特首林鄭月娥今日(12日)接受《無綫新聞》訪問,對於被批評賣港,她一度硬咽落淚,稱自己與所有香港人一同成長,為香港作出不少犧牲。

她又引述其丈夫林兆波認為有人指她「賣港」這種講法有問題。林兆波向她說:「你點可能賣港呢?但你真係有問題,你做行政長官之後,就真係賣咗個身畀香港。」

林鄭接受無線訪問時流淚,稱自己沒有出賣香港。(TVB訪問截圖)

↓↓↓林鄭電視訪問落淚全程睇↓↓↓

特首林鄭月娥在今早8點30分接受《無綫新聞》專訪,她回應示威者佔據政府總部一帶,稱心情是既擔心亦傷心,「好擔心有年青人採取呢個行動,香港一般崇尚文明、理性社會」。

她強調修例對於香港嘅裨益,至於修例是應該收回還是繼續推進,她說:「我哋嘅考慮係咁樣,呢件事有爭議性係無可置疑,解說同溝通係有用,但或許唔能夠完全消除呢啲擔心、或者係焦慮,或者係爭議性。」

她以母親教導兒子來形容政府與青年人關係,說:「如果青年人已經行咗、採取行動,都唔畀佢哋想要嘅嘢,咁又點呢?」作為母親的她續打比喻說,「如果我個仔都係咁,我每次都只係遷就佢,短時間內母子關係好好,但當小朋友成長,因為當時嘅任性,而我縱容佢呢啲任性行為,佢有後悔,點解當日阿媽唔提我?」

當記者問到她如何看待「賣港」批評時,林鄭開始哽咽起來,激動落淚,強調自己與所有香港人一齊成長,對於這個地方,她作出過不少犧牲。她又指其丈夫林兆波不理政事和世事,但他也認為「賣港」二字有問題,又稱林兆波對她說:「你點可能賣港呢?但你真係有問題,你做行政長官之後,就真係賣咗個身畀香港。」

修例被指撕裂社會,作為香港最高負責人的她會否落台?林鄭說:「我從來冇因為呢件事有任何心虛,我哋工作,初心仍然係堅實嘅,認為係啱嘅,不但對受害人家屬有所交代,我宜家只可以講話有得交代,但唔能夠答應潘生、潘太(受害人潘曉頴父母),將謀害佢哋女兒嘅人繩之於法。」

林鄭電視訪問全文如下:

問:如何回應示威者佔據金鐘?
答:我𠵱家呢一刻嘅心情,既擔心亦傷心,好擔心有年青人採取呢個行動,香港一般崇尚文明、理性社會。

問:會否繼續在立法會大會審議修例?
答:經過幾個月好有爭議性討論,係時候喺立法會、用立法會機制畀不同意見議員表達,反映佢哋代表嘅意見。

問:應否收回修例還是繼續推達?
答:我哋嘅考慮係咁樣,呢件事有爭議性係無可置疑,解說同溝通係有用,但或許唔能夠完全消除呢啲擔心、或者係焦慮,或者係爭議性。

問:被市民要求下台,見到這個情況,有否試過有一刻思考過這件事( 修例)是否正確?
答:我從來無因為呢件事有任何心虛,我哋工作嘅初心,仍然係堅實嘅,認為係啱嘅,(修例)不但對受害人家屬有所交代,我𠵱家只可以講,話有得交代,但唔能夠答應潘生、潘太,一定讓謀害佢哋女兒嘅人繩之於法。

問:點睇年青人的表達方式?
答:如果青年人已經行咗、採取行動,都唔畀佢哋想要嘅嘢,咁又點呢?我打個比喻,我係媽媽,有兩個兒子,如果我個仔都係咁,我每次都只係遷就佢,短時間內母子關係好好,但當小朋友成長,因為當時嘅任性,而我縱容佢呢啲任性行為,佢有後悔,點解當日阿媽唔提我?

問:點樣回應賣港指控?
答:話我賣港?我點樣賣港?我喺呢度土生土長,我同所有香港人一齊成長,我對於呢個地方嘅愛,令我作出唔少個人犧牲。我本身話,(今次訪問)講輕鬆嘅嘢,點解會咁激動?講輕鬆嘅部分,你知道喺我屋企有位不理政事、甚至不理世事嘅老公——林先生,佢對呢兩個字都好有意見,佢嘅講法係:你點可能賣港呢?但你真係有問題,你做行政長官之後,就真係賣咗個身畀香港。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。