APEC深圳直擊|馬時亨專訪憶地王大廈變最矮 驚嘆中國矽谷奇蹟

撰文:潘耀昇
出版:更新:

2026年亞太經合組織(APEC)領導人會議本周在深圳拉開帷幕。亞太各經濟體的工商界代表聚首一堂,貿發局主席馬時亨是香港代表之一。往時出任局長5次到外地參與APEC財長會的他,首次在最近香港的城市出席峰會感慨萬分。他接受《香港01》專訪時回憶90年代執掌熊谷組(香港)公司時,在深圳投得現為69層高的「地王」信興廣場,「當年係最高嘅大廈嚟,今日差唔多係最矮嘅大廈,深圳平安金融中心118層啊,你話幾犀利?」他坦言親眼見證深圳由無到有,由有到旺。

「由一個完全乜都冇嘅地方,做到咁犀利成為中國嘅矽谷啦」。他認為深圳藉舉辦APEC,向世界各國元首展示令人震驚的發展速度,大科技公司都落戶深圳,「你問我,一個經濟發展嘅奇蹟嚟嘅」,如今深圳主力發展創科、物流,香港是國際金融中心,「深港雙城記」優勢互補,尤如孖生兄弟,財長會在港舉行反映國家想香港好,凸顯香港金融中心地位。

2026年亞太經合組織(APEC)領導人會議周在深圳拉開帷幕。(潘耀昇攝)

21個APEC成員經濟體的代表、115間世界500強的企業代表齊集深圳,2000多名政商界領袖將共謀區域合作大計。高規格盛會吸引美國、俄羅斯、澳洲、加拿大、韓國等地領袖參加,馬時亨今日(17日)隨超過50名工商界代表赴深圳出席。

2026年11月17日,APEC工商領導人峰會深圳召開,香港貿發局主席馬時亨接受《香港01》專訪。

馬時亨:深圳APEC宣傳「深港雙城記」優勢互補

他接受《香港01》專訪時表示,今屆APEC峰會將令各國元首見識深圳國際化的一面,尤如「Showcase」展示優點的一面,如深圳創科、物流、海運業領先,「鹽田港做得好好啦,capture 咗好多珠三角嘅貨,呢個係佢哋嘅成就嚟㗎」;同時,一河之隔、交通便利且往來頻繁的香港,位處大灣區亦受惠於今次峰會,國際金融中心、空運中心是香港強項,可一併成為向外宣傳「深港雙城記」優勢互補的賣點,「交通好頻繁,你睇吓每個禮拜幾多人上上落落就知,高鐵做得非常好啦,話『雙城記』係毋庸置疑」,希望政要有機會藉機會到香港逛逛。

深圳同香港係雙城記、兄弟嚟,大家都喺唔同嘅領域優勢互補。呢個孖生兄弟嚟,深圳創科我哋真係要服咗佢㗎,好多嘢佢哋做得好好,大家都要學吓。
馬時亨

馬時亨:深圳30年發展驚人 成為中國矽谷

馬時亨特別提到深圳以市花紅紫色簕杜鵑呈現「APEC紫」與「中國紅」元素迎賓,「搞得好靚,綠化係做得好,有啲嘢係好過香港」,不過香港亦有其他優點,「譬如美食天堂香港好過佢,所以啲人都會落嚟食嘢」,甚至近日韓團BIGBANG演唱會在啟德體育園舉行,很多觀眾從內地過來。他一言以蔽之:「香港有香港優勢,深圳有深圳優勢」。

深圳最驚人嘅係30幾年嚟發展,我親眼睇住深圳由一塊可以話冇乜嘢嘅地方,變到今日嘅城市。做到咁犀利,成為中國嘅矽谷。
馬時亨
2026年11月17日,APEC工商領導人峰會深圳召開,香港貿發局主席馬時亨(右)接受《香港01》專訪,圖左為貿發局總裁張淑芬。

馬時亨憶地王大廈變最矮 驚嘆經濟發展奇蹟

今次來深圳開APEC會議,馬時亨感受當地近年發展迅速,別有一番體會。他憶起35年前出任熊谷組公司高層,在深圳投了一塊「地王」,發展為69層高的大廈,現為信興廣場,「當年係最高嘅大廈,今日差不多係最矮嘅大廈,你話係咪服咗佢,你話幾犀利!」他形容深圳是中國矽谷,不少大科技公司都落戶深圳。

他相信領導人會向外賓宣揚,「最令佢哋震驚就係深圳嗰個發展,全世界唔係好多地方可以好似中國咁,有一個城市或者特區可以咁樣發展」,直言感覺除了深圳,只有上海浦東、杜拜才做到。

我相信領導人都會介紹畀佢哋睇深圳個發展,係一個經濟發展嘅奇蹟嚟。
馬時亨

財長會在港舉行凸顯國際金融中心地位

在任財經事務及庫務局局長期間,馬時亨曾代表香港去過5次APEC財長會,今次首次在香港舉行,峰會在深圳舉行,對他而言是最近的一次,「我去親都係外邊啦,譬如智利、秘魯、悉尼就同曾蔭權去」,他形容今次財長會在港舉行,凸顯香港國際金融中心地位,「我覺得國家對我哋非常好呢樣嘢」。

2026年11月17日,APEC工商領導人峰會深圳召開,香港貿發局主席馬時亨接受《香港01》專訪。

馬時亨:深圳與香港是大灣區重鎮 肯定高質量發展

國家主席習近平昨日(16日)在中山考察期間,強調奮力創造粵港澳大灣區高質量發展新局面。馬時亨認為,今次深圳APEC峰會凸顯大灣區重要性,相信領導人會向外國與會者介紹,「大灣區真係有八千萬人口,GDP 咁高,可以 showcase 下我哋大灣區個潛力,叫佢哋嚟做生意」,香港作為大灣區一部分也受惠,深圳與香港是大灣區重鎮,肯定是高質量發展。