梁美芬叫梁君彥「主人」 口快講錯即修正｜政壇諸事町
撰文：文維廣
出版：更新：
立法會議員經常在議事廳發言，偶爾辯論中出現「金句」，亦會「口快快」鬧出「笑話」。經民聯選委界立法會議員梁美芬今日（15日）在討論議員議案時，就誤稱立法會主席梁君彥作「主人」，惹來網民熱論。
梁美芬（立法會youtube截圖）
主人...呀主席 本人僅此陳辭
梁美芬在發言即將結束時表示「......我哋中國就係除咗輸入西醫藥......西醫學之外呢，其實一直自己冇拋棄到中醫學嘅研究，以致到今日呢喺中西醫結合係做得好好㗎。咁我希望香港喺呢方面呢，真係急起極（直）追，主人......呀主席，本人僅此陳辭。」
至於梁美芬將「主席」講作「主人」，但梁君彥表情並無反應，而是直接讓下一位議員發言。梁君彥或許並無留意到，不過梁美芬就將Facebook的發言片段，刪去最後誤稱「主人」的發言內容。
