鄧月平Larine上手玩iPhone X 「女神經」玩到七情上面
iPhone X推出，我們第一時間邀請同樣是果迷的鄧月平Larine上來試玩新機，她第一次上手更大膽豪言挑戰Face ID以及狂玩Animoji，究竟結果如何？看下文分解。
身為果迷的Larine（鄧月平），自細已經是一位忠實果迷，由3GS的年代開始已經用iPhone（母親送給她），直至現在每一次iPhone轉款都會立刻購買入手。可是今次iPhone X實在太多人搶購，就算她成功將貨品放入購物籃，以及已經過數付款，但仍好擔心收不到貨，「因為到現時為止都未收到confimation email...會唔會冇㗎？」記者當然第一時間為Larine派下定心丸，因為查看過她的Apple ID戶口，已確實有訂購記錄，而且又不是用「鄭經理」信用卡的話，應該沒有問題的。
挑戰Face ID
Larine雖然第一次iPhone X上手玩，但已經豪言說要挑戰Face ID功能，「知道iPhone X新加入Face ID解鎖，好想試下如果我變妝後仲認唔認到我。」Larine先行設定Face ID，只需要兩個步驟就可以設定完成，「Face ID設定時，需要360度轉頸去辨識五官，然後就可以完成設定。」設定完當然第一時候以不同角度、表情去試Face ID，很可以很輕易快捷便成功解鎖。之後，便搵化妝師為Larine變妝...
等待十數分鐘，Larine由淡妝變為濃妝，而且髮型亦都改變了，「嘿嘿，看睇睇Face ID認唔認到我？」原本信心滿滿的Larine拎起部iPhone X一望，怎料，還是輕易解鎖，挑戰失敗！
不服輸的Larine再次挑戰試多次，「我不信變成這樣都可以認得到我...唔...真係認到喎...但好像辨識時間耐了，所以當我挑戰成功吧！」（編按：果然樂天...）
Animoji扮豬豬
接下來，Larine便玩另一個Key feature「Animoji」，開了iMessage後就可以選擇馬騮icon後，便可以啟動「Animoji」。內有12款不同的動物、公仔，而Larine今次就選擇天真滿滿的「豬仔」icon。「公仔真是會跟足我的表情，好搞笑容」
「我係豬豬」
「好唔開心」
「好驚呀豬豬」
Larine望著手機不斷變樣，說話，屏幕的豬豬公仔都跟足表情及對白，非常好笑。
當然，Larine不會放過此機會，扮著「豬豬」去唱她的新歌《女神經》...「神經質最擅長胡亂發問 為何...」未唱完兩句便完了...其實因為每段Animoji只可以錄10秒，要唱一整首歌便需要錄多條Animoji片後剪接才可。
「Animoji真係好好玩...好想快啲新機入手呀。」