【武打星蹤】Sam哥又踢館:「《極鬪》就係同自己鬥」

撰文:
最後更新日期:

Sam哥梁成致對搏擊界來說,是個既陌生又熟悉的人。除了記得他的招牌墨鏡,以及他過去的電視節目《Sam 哥踢館》外,好像又對他不太了解。

這次除了他的武術背景,適逢他的新電影《極鬪7 DX-29》下週上映,也談談他的宗教體會,與那「又Cult又True」的電影之路。

(文末更有Sam 哥送出戲票,大家記得留言了!)

 

「練泰拳唔係想攞獎盃」

Sam哥跟很多人一樣,也是受李小龍與功夫電影影響,而開始熱愛武術。雖然如此,Sam哥還是在20多歲後,才接觸泰拳。相對於很多拳手,他也認為「遲,非常遲」:

細個時候父母好封閉,而當時拳館形象無依家咁好,又驚我受傷。所以要到20幾歲我到澳洲讀心理學,先接觸泰拳。
Sam 哥

Sam哥雖然20多歲時才接觸泰拳,但他從中獲益良多。(賴家俊攝)

他亦坦言,自己練拳的目標並非當個職業拳手,從中亦得到很多:

練泰拳唔係想攞獎盃......我覺得做一個職業格鬥運動員、武術家,同做一個習武者,係有唔同。
Sam哥
對我而言習武係個輔助,唔係正職,但佢可以幫助到我處理人生問題,例如工作上遇到困難,亦可以用習武而來,面對逆境嘅精神去解決。
Sam哥
泰拳嘅訓練可以幫到我訓練我鬥心同韌力。
Sam哥

 

由舉辦拳賽到《Sam 哥踢館》

從澳州回到香港後,Sam哥機緣巧合下到了李耀東師傅的拳館中繼續訓練。在訓練中體會到香港選手的水平亦相當高,所以萌生起舉辦拳賽之意:

我一直鍾意不斷進步,接受挑戰。我以一個唔係搞開職業拳賽嘅人,又唔係職業拳手,去搞拳賽會點呢?
Sam哥

Sam哥從打拳到舉辦拳賽,更開創人所共知的一個搏擊節目。(賴家俊攝)

雖然Sam哥面對很多問題,但仍然成功舉辦了不少比賽。達到這一步後,Sam 哥又想再接受挑戰,決定舉辦在電視台直播的拳賽。目標再次達成後,Sam 哥就想跳出泰拳框框,去接觸泰拳外的門派,了解不同武術,同時又把自己所學的心理學資訊,分享給更多的人。結果,後者卻更受歡迎:

就算鍾意睇我打,睇一兩次都無架啦(笑)。用一個踢館嘅名,但用一個好謙虛嘅態度,甚至俾D師傅打嘅,我覺得觀眾一定好受落
Sam哥

結果,一拍就拍了很多年,也成為了人所共知的一個搏擊節目代表。

 

Sam哥的另一個身份:自編自導自演

除了搏擊以外,Sam哥另一個為人熟知的身份,則是一位多產的電影人。而這個身份,原來也跟小時候的成長有關:

Sam哥不單是主持,更是一名電影人。(賴家俊攝)

我好鍾意電影......細個父母唔俾我學嘢丫嘛,咪喺屋企睇電影。讀書果時冰天雪地,一放學就返去睇帶。
Sam哥
我拍左電視節目,又想試未試過嘅嘢.....就諗係時候拍電影,因為真係好具挑戰性。
Sam哥

挑戰一詞,貫穿了Sam哥的各個身份和階段。而他的電影常常是自編自導自演,其實也是迫出來的:

我知道如果要拍好大投資、好大製作、搵好大卡士嘅演員去拍其本上係好難嘅。因為第一我無資金,第二我無經驗。咁我就決定自己做導演、做編劇,甚至做埋其中一個角色。咁就開始左我拍電影嘅生涯。
Sam哥

 

「《極鬪》就係同自己鬥」

在眾多題材中,Sam哥尤愛恐怖片及動作片,亦因此出現了「喪屍系列」及「極鬪系列」。「極鬪」這個名本來是一個韓國拳賽的名字,Sam哥一次帶拳手作賽時,就想到不如用這個名拍一套跟拳賽有關的電影 :

挑戰一詞,貫穿了Sam哥的各個身份和階段。(賴家俊攝)

第一次拍梗係麻麻地、非常之唔係幾得啦,因為經驗有限,自己又唔熟悉。所以我俾自己一個目標:點拍你都唔夠人地大製作好,唔好同人比較,就同自己比較。「極鬪」就係同自己鬥。
Sam 哥
你一部拍得好過一部就ok,唔好理人點睇你。
Sam 哥

現在《極鬪》已到第七集,很多人問為何不把七集的錢,夾起來拍一集「更加好看的電影」。Sam 哥表示,他需要的是「七個機會」:

我需要七個機會。我需要七次進步。我到呢個年紀目標好實際,真係好過上一套就得。
Sam 哥
同埋你拍一定有人欣賞你。欣賞你演技好、編導好,到頭來咩都唔欣賞你,就欣賞你果個heart就已經夠。
Sam 哥

Sam哥:「《極鬪》就係同自己鬥」。(賴家俊攝)


《極鬪》雖然是一個系列,但他橫跨的題材可說是前無古人。由動作、警匪、婚姻暴力,到最新一集的基因改造怪物,實在令人驚嘆。

我D戲成本有限,拍任何題材都不能用好多大場面,所以一定要諗D意義性喺到,懶係有意義啦(笑)。
Sam 哥
因為我自己做返套戲嘅角色,所以唔可以係一個故事落去,因為基本上我每集都死,哈哈哈哈哈。
Sam 哥
亦同時迫我諗唔同故事......題材有動作、警匪、福音、親情、基因改造怪物,呢D都係我最有興趣嘅嘢,我希望係電影入面滿足返自己。
Sam 哥

 

Sam哥的第三個身份:信仰

Sam哥有眾多身份,比賽搞手、節目主持、電影人,但在訪問時他談得最多的,是作為一個「信徒」。

信仰在Sam哥生命中佔有很重要的地位。(賴家俊攝)

好多人認為信仰需要放低好多嘢,咁即係咩都唔做得啦。飲酒又唔得,食煙又唔得,識多幾個女朋友又唔得。其實岩岩相反,有信仰,你係唔做果D嘢都得。當你一定要做果D嘢,就係唔做唔得,掉返轉頭你係無左自由,俾呢D嘢望住你。
Sam 哥
有信仰,唔做果D嘢都得,先有返真正嘅自由。當有真正嘅自由,好多嘢都可以睇得好開。
Sam 哥

信仰就係同你嘅過去、罪去鬥。(賴家俊攝)

有信仰,唔做果D嘢都得,先有返真正嘅自由。當有真正嘅自由,好多嘢都可以睇得好開。
Sam 哥


在問到信仰與武術、電影的關係,Sam 哥也有自己的體會:

喺我嘅電影入面,我話晒事,我要佢生又得、死又得、死完番生都得;但我人生嘅電影,導演就係神,佢會安排我做某D角色。
Sam 哥
武術係格鬥,《極鬪》係同自己鬥,信仰就係同你嘅過去、罪去鬥。
Sam 哥

 

訪問後記

在訪問中,他說到了自己節目與電影的不足,但這正是值得欣賞的地方:真誠又充滿熱誠地去做自己喜歡的事。

他的各個作品,由檑台到電視台,由螢光幕到大銀幕,由喪屍到福音電影,看似斷裂,但其實都是他個人的「具現化」,因此他的每個作品,都是他自己的一部份。

沒有事情比專心一致、滿腔熱血去做事,更值得去尊敬。

 

Sam哥送禮

(圖片擷取自:Sam哥頻道 Facebook)

下星期《極鬪7 DX-29》上映,依家只要 Like and Share 呢個 Post,再回答問題,你就有機會得到《極鬪7 DX-29》嘅指定戲院戲票兩張,截止時間係3月20日下晝6時,目前得獎名額一共有10個,大家快啲參加啦!

注意:《極鬪7 DX-29》為「三級」電影,觀看者必須年滿18歲。

參加方法:
1. Like 武備志 Facebook Page
2. 回答問題:「下一集《極鬪》你想Sam哥拍咩題材?點解?」
3. 公開分享並 like 此 Post

完成以上步驟後,武備志將會選出其中最有創意的答案,送出《極鬪7 DX-29》嘅換票証兩張。兩場時間地點分別係:

地點:九龍灣宏照道38號MegaBix L11層

時間:    3月23日 13:00
3月24日 13:00

活動條款及細則:
- 參加者必須讚好武備志 Facebook 專頁。
- 為確保參加資格,必須將分享帖子設定為「公開」直至2019年3月24日為止。
- 活動截止時間為2019年3月20日下午6時。
- 武備志會將會於專頁留言區公佈得獎者,並會有專員以 Facebook Messenger 聯絡得獎者,請留意武備志專頁及 Facebook Messenger 的「訊息請求」,若於2019年3月21日前未能聯繫得獎者確認聯絡資料,將視作放棄得獎資格。
- 得獎者須親身或授權他人到位於荃灣的公司領取換票証。
- 武備志保留隨時修改活動內容、條款及細則之權利。如有任何爭議,武備志保留最終決定權。
 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。