深水埗阿婆稱被呃錢要瞓街!1招令港男獻利是加500元 網民:慣犯
利用他人的同情心來呃錢實在卑劣!有港男在網上大呻於年初四「中招」被騙,他指自己在深水埗街頭,發現有位阿婆在大聲講電話,哭訴「被人呃錢、瞓了幾日街,要借幾百蚊度日之類」,港男不忍阿婆無家可歸,於是拿出新春逗來的大疊利是連一張500元紙幣,自願送給阿婆稱「袋好佢,食餐飯」,阿婆立即收下不斷說「多謝」,回應「我可以返去喇...你真係對我好,我電話無電喇」。好心港男其後發現疑被騙,而涉事阿婆過去更以同一招數騙過許多人,甚至曾經被報道過,於是在網上發片,提醒其他人避免再中招。
帖文引來不少網民熱議,不少人爆料指該名阿婆是「好出名」的慣犯,「雖然佢上過新聞,但仍然keep住有人中招」、「係佢好戲啫,每次用呢招,每次有收穫,佢唔會收手㗎啦」。有人亦指在港九新界都能找到阿婆的足跡,有人曾經在中環、油麻地、葵興及尖沙咀等地見過她。
樓主初四呻街頭被阿婆呃錢
該名好心港男在Threads上發片,大呻年初四在深水埗街頭遇到騙案。從影片可見,他在路邊見有1名手持拐杖的阿婆,正在用紙巾在拭淚。
有網民立即爆料,指這名阿婆疑似常用同1招騙財,即在街上大聲講電話,哭着訴說自己「俾人呃咗錢,同電話裏面嗰個講佢好無情又唔知點樣樣,佢又瞓咗幾日街,跟住問電話裏面嗰個人好似借幾百蚊俾佢交電話費」,旁人聽到阿婆的不幸遭遇,就可能上前贈送金錢助她度難,相信樓主亦是被同1招「呃咗」。
港男贈大疊利是加500元給阿婆「食餐飯」
樓主疑聽完阿婆講電話,不忍她無家可歸又缺錢,於是掏出在新春逗回來的大疊利是,另加一張500元紙幣,向阿婆說「俾封利是你呀」,阿婆連聲多謝,樓主表示「新年快樂!唔多謝,袋好佢,食餐飯」。阿婆再不斷鞠躬道謝,表示「我可以返去喇」、「好多謝你!你真係對我好,我電話無電喇」,樓主回應「我聽到你個情況,唔好傷心」,樓主最後叮囑阿婆快快回家。
網民認出阿婆是「好出名」騙財慣犯:上過新聞
帖文一出,不少網民認出這名阿婆是「好出名」的騙財慣犯,更曾被新聞報道過,當時亦以同一招數騙取市民500元,「係佢好戲啫,每次用呢招,每次有收穫,佢唔會收手㗎啦,雖然佢上過新聞,但仍然keep住有人中招」。有人則安慰樓主「難得佢咁好演技……又喊晒口又鞠晒躬咁。咪當入場睇齣戲囉!」,有人勉勵樓主「勿因此事而忘了善心,他日有需要幫人的時候,無忘初心。有能力幫人是福氣」、「但我都真心欣賞你,響呢個亂世仍然選擇善良」。
阿婆出沒多區且一招博同情
不過有不少網民也不忿樓主的同情心被利用,大爆阿婆在港九新界也見其蹤影,「我呢排撞過呢個呀婆一次,邊行邊大聲講電話,話邊個爭我錢唔還,冇錢過年點點點」、「半個月喺中環坐地鐵返屋企嘅時候撞過佢,佢由中環站開始講電話勁X大聲坐到起碼到旺角,好似先至落車佢一路坐車一路喊」。
有網民稱差點上當
有網民亦差點上當,指上個月在麼地道巴士站遇到這名阿婆,「好大聲喊住咁話無錢...嗰一刻差啲忍唔住想幫佢,打咗俾朋友同朋友講呢件事,我朋友話佢見過呢個阿婆都係講啲咁嘅說話,叫我唔使理佢」。