半年豪花20萬掃名牌 港女歐遊拒付2500港元酒店 男友:嬲到震

撰文:
最後更新日期:

與另一半去旅行,從來都是一門高深的學問,不但因為朝夕相對容易產生小磨擦,更可能為錢銀問題鬧不快。日前一名男學生在網上吐苦水,指原本計劃跟女友考完試去歐遊,機票酒店已安排好,只剩3晚酒店未決定,因大部分洗費已由男方負責,他便問女友可會負責餘下酒店約2500港元的費用,結果慘被女友連環炮轟,怒斥他「屋企咁有錢點解唔可以佢(男友)畀?」,更指自己「屋企人搵錢好辛苦,洗咁多錢會被屋企鬧」,激到男方忍不住發文,「入嚟評評理,嬲X到我震」,希望網民還他一個公道。

日前一名男網民在網上吐苦水,指跟女友打算考完試去歐遊,惟女友拒絕支付部分酒店費用,令他相當憤怒。(連登討論區截圖)

該男友日前在連登討論區發文,表示當日要求女友付2500港元酒店費用後,即被對方不停指罵,更以「家人工作辛苦」、「洗(使)咁多錢會被屋企鬧」為由拒絕,又認為男方家中富有,質問「點解唔可以你(男友)畀?」男方坦言聽罷非常愕然,因除「女友自己機票自己畀」外,其餘的酒店費均由他支付,甚至不顧荷包出血,「佢話要住貴嘅靚嘅,4,000蚊晚我照book,因為都想玩得開心啲。」他又指去年遊歐洲豪食豪住18日,「佢(女友)直程一蚊都冇畀過」。

他續稱以往到亞洲地區旅行、平日行街食飯睇戲等使費,已由他全數支付,即使女友要求買名牌,他亦二話不說答應,粗略估計在半年內已花費約20萬在女友身上,他坦言最近「真係山窮水盡」,但又不想向家人求救,不滿女友強調「屋企人搵錢辛苦」,反問「我屋企搵錢就唔辛苦?」、「我有錢就一定要我畀晒?」批評女友「知自己無錢就唔好成日諗住出去玩買貴嘢啦」。

男友指去年跟女友豪食豪住歐遊18日,女友已一毫子也沒有出過。(視覺中國)

他又慨嘆身邊的朋友都覺得其女友拜金,惟樓主認為「愛情是盲目」、「只係想佢開心」,結果經歷今次後,女友已封鎖他所有社交媒體,疑似想分手,令他連考試都沒有心機,更問道「我自己仲應唔應該去旅行好」。

事件引起網民熱烈討論,不少人紛紛留言鼓勵他分手,「嬲乜啫?飛咗佢啦佢都係貪你啲錢咋嘛」,直指樓主醒得太遲,「你會唔會去無錢嘅提款機撳錢?」暗示其女友只當他是提款機。不過亦有網民不滿樓主「叫人評理,人哋幫你,叫你飛咗佢」,但卻以「愛情是盲目」為由說服自己。

(連登討論區)

《香港01》App,為你送上最熱爆話題!
立即下載:
http://bit.ly/HK01_App

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。