【馬逢國髮gel門】GATSBY抽水推買嘢送30g髮gel 網民讚傑出公關
撰文：卡洛兒
出版：更新：
「髮gel（造型髮膠）」可說是男士恩物，連立法會議員馬逢國都堅持要隨身攜帶200克髮gel上機。貴為髮gel界大哥的「GATSBY」，藉機「抽水」也不甘後人，今日（25日）就在facebook專頁宣布購買該品牌產品，即附送30克輕便裝，強調「細細支咁方便，想帶去邊都得啦」，果然顧及尊貴客人的需要！帖文一出大獲好評，上載兩小時已逾3000個讚好，近1000次轉發，網民紛紛留言大讚GATSBY是「傑出公關」，亦有人問會否考慮找馬逢國做代言人。
GATSBY藉機推出優惠，凡購買該品牌產品，即附送輕便裝，強調「細細支咁方便，想帶去邊都得啦」（fb「GATSBY Hong Kong」截圖）
+2
當「髮gel門」事件鬧得熱哄哄，「抽水」當然要趁早，GATSBY今日就在facebook專頁發帖，稱「去旅行都想帶支定型啫喱膏gel番個靚頭，但擔心帶住太大支gel唔方便？」GATSBY就公布現在購買定型啫喱膏，將附送一支30克輕便裝，「細細支咁方便，想帶去邊都得啦！」
立法會議員馬逢國日前在機場被搜出200克造型髮膠，不獲攜帶上機，與職員爭辯期間表明議員身份，因而捲入風波。（資料圖片/羅君豪攝)）
+24
帖文一出引來眾多網民熱議，有人留言稱GATSBY今次絕對能獲得「公關大獎」、「成個太平洋抽乾了」，又指事件中GATSBY必定是最大贏家；但有人則認為作用不大，「洗鬼帶支細架咩，兇啲細嘅就搞掂啦」；亦有人擔心30克不足夠，「得嗰幾條毛嘅地中海都要用200g，得30g邊夠用呀？」有網民就問「用得多會唔會好似馬生咁冇頭髮？」又建議GATSBY送數百支給馬逢國，再請他做代言人。