【畢業季節】謝師宴成千蚊貴夾唔飽 網民:食咁貴係咪香港獨有?

撰文:
最後更新日期:

踏入6月畢業季節,不少中六生考完文憑試(DSE)後,又要籌備另一件「大事」——謝師宴!不但要找一間夠體面的酒店餐廳舉行,還要挑選靚衫盛裝出席,隨隨便便都花過千元,對中學生來說的確是頗大的負擔,故有網民不禁在連登討論區發帖大罵「謝師宴食咁X貴係咪香港獨有?」

帖文隨即引起網民熱議,有人同意樓主的說法,指謝師宴已失去原意,變成「Show off(炫耀)場合」,又大呻當年經歷,指「800幾蚊去香格里拉食星洲炒米」,形容「同去飲一樣」。

有網民不禁在連登討論區發帖大罵「謝師宴食咁X貴係咪香港獨有?」(連登討論區截圖)

有網民昨日在連登討論區發帖,指謝師宴要去「唔知幾星級酒店」舉辦,入場費過千元吃一餐,大呻「明明謝師宴原意係表達謝意,變X左着靚衫、炫富,真係好核突(凸)」。

帖文引起一眾網民共鳴,不少人都指自己當年的謝師宴,花費800、1000元只有「垃圾食物」提供,完場還要轉地方再吃宵夜,「仲話五星級酒店」,直斥「酒店啲嘢食真係又唔好味又唔飽」,而且「所謂謝師宴有幾多成份係謝師?」有網民又指,「中學生平平地食一餐咪算囉,去大排檔打下邊爐已經好開心」,但另有回覆稱一定會有同學嫌棄,「之後拎老豆老母啲辛苦錢去食餐完全唔值嘅飯」。

有網民稱當年每人付800多元,去香格里拉酒店辦謝師宴,結果只是吃星洲炒米。(香格里拉酒店官網圖片)

有網民就認為應抵制謝師宴,拒絕出席,但其他網民則指出不少學校規定,即使不出席也要付錢,「啲人又會話讀咗六年都唔去多謝下老師好冷血,會喺背後講你壞話」。

又有人認為謝師宴原意是好,但現在已變成「被逼」,「真心想感激個老師會自己約,使鬼搞場大龍鳳」,直言謝師宴只是「細路扮大人」,「男嘅買套幾千蚊嘅西裝,有啲可能成世着一次,女嘅化行個裝(妝),有幾多露幾多」。

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。