帶隔夜珍珠奶茶大鬧飲品店 港客:一晚珍珠已經發脹,叫我點飲?

撰文:卡洛兒
出版:更新:

一杯冰凍的台式飲品當然是早飲早享受,隔夜珍珠奶茶?不了。有台式飲品店員工近日投稿至facebook專頁「西客之道」,指曾遇到一位女客人,氣沖沖地拿着一杯已喝了五分一的珍珠奶茶來大鬧店舖,怒斥「擺咗一晚珍珠已經發晒漲」,甚至把膠杯大力地放在櫃枱,結果一碰即爆,「噴到我同同事全身都係」。

有台式飲品店員工近日投稿指,曾遇到一位女客人大鬧舖頭,質問「擺咗一晚珍珠已經發晒漲,你叫我點飲?」(fb「西客之道」截圖)

下載「香港01」App ,即睇城中熱話:https://hk01.app.link/qIZYuEC5LO

有台式飲品店員工在「西客之道」撰文,指遇過一位女客人,當時舖頭很多客人「排晒長龍」,她拿着一杯喝了五分一的珍珠奶茶,語氣暴躁地質問「你哋點做生意?我噚日喺你呢度買呢杯嘢,擺咗一晚啲珍珠已經發晒漲(脹),杯嘢咁樣你叫我點飲?」女客人一鬧完即大大力把那杯珍奶「車落張枱度」,膠杯隨即爆裂,裏面的奶茶噴落樓主和同事身上。樓主稱當時反應不及,打算怒罵該名女客人時,對方已經「用保特嘅速度跑咗去街尾」,而後面排隊的客人亦無一不嘩然,最後他只能夠默默抹乾淨鋪內外被噴濕的地板。

帖文引起網民熱議,不少人都質疑是其他同行「搞事」,亦有人嘲諷「幫我開支82年珍奶」、「你哋杯珍珠奶茶擺咗一年已經發晒霉,杯嘢咁樣你叫我點飲?」更有網民笑稱,「佢唔賴你地個杯易爛想再發圍已經要還神」。